ގޫގަލްގެ އެންމެ ފަހުގެ އަޕްޑޭޓްގައި ލަވައެއް ހޯދަން ބޭނުންނަމަ ޖެހޭނީ އެލަވައެއް ކިޔާލަން
ނޭނގި ނަމަވެސް އިވޭ ލަވައެއްގެ އަޑަކުން އެލަވަ ދެވަނަ ފަހަރަށް އަޑު އަހަން ބޭނުން ވިޔަސް އެލަވައިގެ ނަން ހޯދަން ނޭނގިފައި ހުންނަމު ހެއްޔެވެ؟ މިކަމަށް ހައްލަކާއި އެކު ގޫގުލް ގެ އެންމެ ފަހުގެ "އަޕްޑޭޓް" އަކީ ގިނަ ބަޔަކު ހިތްހަމަ ޖެހޭނެ އަޕްޑޭޓެއްކަން ޔަގީނެވެ.
ފަހުގެ އަޕްޑޭޓެއްގެ ގޮތުގައި ގޫގުލްއިން ގެނައި ބަދަލަކީ، ލަވައެއް ހޯދުމަށް އެލަވައިގެ ނަން ސީދާ ނޭނގުނަސް އެލަވަ ކިޔާލުމުން ވެސް އެލަވަ ހޯދޭނެ ގޮތުގެ ފަސޭހަ ބަދަލެކެވެ. ވަރަށް ގިނަ ފަހަރު ވަރަށް ގިނަ މީހުން މިފަދައިން ހިތަށް އަރާފައި ވެސް ހުންނާނެއެވެ. އެފަދަ މީހުންގެ އެ ހުވަފެންތައް މިއަދު ހަގީގަތަކަށް ވަމުން އެދަނީއެވެ.
ދެން މީގައި އެންމެ މޮޅު ތަންކޮޅަކީތޯއެވެ؟ ލަވައެއްގެ ރާގު ރާގު އެނގުނު ނަމަވެސް އެ ލަވައެއްގައި ކިޔާ އެއްވެސް ލަފުޒެއް ނޭނގޭ ނަމަވެސް އެ ލަވަ ގޫގުލް މެދުވެރިކޮށް ހޯދިދާނެއެވެ. އެ ލަވައިގެ ރާގު އަމިއްލައަށް ކިޔާލާށެވެ. "ހޫމް ހޫމް" މިފަދަ ގޮތަކަށް ރާގު ކިޔާލުމުން ގޫގުލް އިން އެލަވަ ހޯދައިދޭނެއެވެ. ވަރަށް ވެސް ފަސޭހައެވެ.
ގޫގުލްގެ އެންމެ ފަހުގެ މި އަޕްޑޭޓާއި ބެހޭ މައުލޫމާތު ފަސޭހައިން ނަގައި ގަނެވޭނެ ޔޫޓިއުބު ވީޑިއޯ ތިރީގައި މިވަނީއެވެ.
