Sunday, 15 November 2026
Advertisement
MWSC — SmartMeter (leaderboard)
ޚަބަރު

އަނބިމީހާގެ އެކައުންޓްއިން ފައިސާ ވަގަށް ނެގި މީހަކު ހަތް މަހަށް ޖަލަށްލާން ހުކުމްކޮށްފި

އަނބިމީހާގެ އެކައުންޓްއިން ފައިސާ ވަގަށް ނެގި މީހަކު ހަތް މަހަށް ޖަލަށްލާން ހުކުމްކޮށްފި

ތ. ތިމަރަފުށީގައި ފިރިހެނަކު އޭނާ އަނބިމީހާގެ އެކައުންޓްއިން ފައިސާ ވަގަށް ނެގި މައްސަލައިގައި ހަތް މަހަށް ޖަލަށްލާން ހުކުމްކޮށްފިއެވެ.

އެ މައްސަލައިގައި ތިމަރަފުށީ ކޯޓުން ހުކުމް އިއްވީ އެ ރަށު ލުބޯމާގެ، މުހައްމަދު މޫސާގެ މައްޗަށެވެ.

މޫސާ ވަނީ އޭނާގެ އަންހެނުން ތ. ތިމަރަފުށި/ ކަށިކެޔޮމާގެ، ފާތިމަތު މިޒުނާ ބޭންކް އޮފް މޯލްޑިވްސްގައި ހުޅުވާފައި ހުރި އެކައުންޓްއިން އެކި ދުވަސް މަތިން 8150ރުފިޔާ ވަގަށް ނަގައިފައެވެ.

Advertisement
Allied — Dhen Online (box)

އެ ކުށަށް މޫސަ އިއުތިރާފްވެފައިވުމާއެކު ތިމަރަފުށީ ކޯޓުން ވަނީ އޭނާއަށް ލުއި ހުކުމެއް އިއްވައިފައެވެ.

އެގޮތުން އޭނާއަށް އިއްވީ ހަތް މަހާއި ތިން ދުވަަހުގެ ޖަލު ހުކުމެކެވެ.

އެ މައްސަލައިގައި އޭނާ ކުރިން ތިން ދުވަސް ޖަލުގައި ހޭދަކޮށްފައިވާތީ އޭނާގެ މައްޗަށް ތަންފީޒުކުރާނީ ހަތް މަހުގެ ޖަލު ހުކުމެކެވެ.

އެ މައްސަލައިގައި ޖޫރިމަނާގެ ހުކުމަކަށް ބަދަލުކޮށްދޭން ވެސް މޫސަ އެދުނެވެ. ނަމަވެސް ކޯޓުން އެގޮތަށް މައްސަލަ ނިންމައެއް ނުދިނެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.