Saturday, 14 November 2026
Advertisement
Ooredoo — Airfibre (leaderboard)
ޚަބަރު

ހުޅުމާލޭގައި ހުއްދަ ނެތި ކާބޯތަކެތި ވިއްކަމުންދިޔަ 4 ތަނެއް ބަންދުކޮށްފި

ހުޅުމާލޭގައި ހުއްދަ ނެތި ކާބޯތަކެތި ވިއްކަމުންދިޔަ 4 ތަނެއް ބަންދުކޮށްފި

ހުޅުމާލޭގައި ކާބޯތަކެތީގެ ޚިދުމަތްދޭ ތަންތަން ބަލައި ފާސްކުރުމަށް ހިންގި ޚާއްސަ އޮޕަރޭޝަނެއްގެ ތެރެއިން، ޤަވާއިދާ ޚިލާފަށް ހިންގަމުންދިޔަ ހަތަރު ތަނެއް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން ބަންދުކޮށްފިއެވެ.

މި މަހުގެ 26ވަނަ ދުވަހު އެމްއެފްޑީއޭ އާއި އެޗްޑީސީ ގުޅިގެން ކުރިއަށް ގެންދިޔަ މި އޮޕަރޭޝަނަކީ، ކާބޯތަކެތީގެ ރައްކާތެރިކަމުގެ ޤާނޫނުގައި ކަނޑައަޅާފައިވާ މިންގަނޑުތަކަށް ތަންތަން ހިންގާތޯ ބެލުމަށާއި، ހުއްދަ ނެތި ހިންގާ ތަންތަން ދެނެގަތުމަށް ހިންގި ހަރަކާތެކެވެ. މި އޮޕަރޭޝަނުގައި ހުޅުމާލޭގެ 26 ތަނެއް އިންސްޕެކްޓް ކުރިއިރު، ބަންދުކުރި ހަތަރު ތަނަކީ ވެސް އެއްވެސް ހުއްދައެއް ނެތި ވިޔަފާރި ކުރަމުންދިޔަ ތަންތަން ކަމަށް އެ އޮތޯރިޓީން މައުލޫމާތުދެއެވެ.

ކާބޯތަކެތީގެ ރައްކާތެރިކަން ކަށަވަރުކުރުމަށް ކުރަމުންދާ މަސައްކަތްތައް އިތުރަށް ވަރުގަދަކުރުމުގެ ގޮތުން، އަމިއްލަ ދިރިއުޅުމަށްޓަކައި ކާބޯތަކެތި އުފައްދާ ވިއްކާ ފަރާތްތަކަށް ހާއްސަ "ސަރވެއިލަންސް އިންސްޕެކްޝަން" ތަކެއް ބޭއްވުމަށް ވެސް ވަނީ ނިންމާފައެވެ. އެމްއެފްޑީއޭގައި ދަފްތަރުކޮށްފައިވާ މިފަދަ ފަރާތްތަކުން ކަނޑައެޅިފައިވާ އުސޫލުތަކަށް އަމަލުކުރޭތޯ ބެލުމަށް ކުރިއަށްގެންދާ މި އިންސްޕެކްޝަންތައް އޮންނާނީ އަންނަ ނޮވެމްބަރު މަހުގެ 5އިން ފެށިގެން 20ވަނަ ދުވަހުގެ ނިޔަލަށެވެ. މި މުއްދަތުގެ ތެރޭގައި ކާބޯތަކެތި ތައްޔާރުކުރާ ގޭގެއަށް އެމްއެފްޑީއޭގެ އިންސްޕެކްޓަރުން ޒިޔާރަތްކުރާނެއެވެ.

Advertisement
Ooredoo — Square (box)

މީގެ އިތުރުން، ކާބޯތަކެތި އުފައްދާ ފަރާތްތަކުގެ ހޭލުންތެރިކަން އިތުރުކޮށް، ރައްކާތެރި ގޮތުގައި ތަކެތި ތައްޔާރުކުރުމުގެ މައުލޫމާތު ދިނުމަށް "އުފަކާރަ" ނަމުގައި ހާއްސަ ތަމްރީނު ޕްރޮގްރާމެއް ވެސް އެމްއެފްޑީއޭއިން މިހާރު ދަނީ ހިންގަމުންނެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.