ހެޔޮނުބައި ވަކިނުވާ ތުއްތު އަންހެން ދަރިންގެ ބެލެނިވެރިންނޭވެ!
ދައްކަން މިއުޅެނީ މިއަދު އަޅުގަނޑުމެންނަށް ފެންނަ ވަރަށް ނެދެވޭ މަންޒަރެއްގެ ވާހަކައެވެ. އަދުގެ ތުއްތު ޅަދަރިންގެ މައިންބަފައިންނަށް ކުރެވޭ ވަރަށް ނެދެވޭ ކަމެއްގެ ވާހަކައެވެ. މިވާހަކައަކީ ކޮންމެހެން ވެސް ދައްކަން ޖެހިފައިވާ ވާހަކައަކަށް މިއަދު މިވަނީ ވެފައެވެ.
މިޒަމާނުގައި ޅަދަރިން ގޮވައިގެން މޫދަށް ދިއުމަކީ ވަރަށް އާންމު ކަމެކެވެ. އެހެން ނަމަވެސް އެ ތުއްތު އަންހެން ދަރީގެ މޭމަތިން ބައެއްގެ ބައެއްގައި ފޮތިކޮޅެއް ތަތް ކޮށްގެން، ތިރީކޮޅުގެ ނިވަލަށް ޖަންގިޔާ ކޮޅެއް ލައްވައިގެން، އެދަރިފުޅު މޫދަށް ގެންދިއުމުގެ އަސްލު މަގްސަދަކީ ކޮބައިކަން ނިކަން ކިޔައިދީ ބަލާށެވެ. އެކަމުގެ މަގްސަދަކީ ފަހެ ކޮބައިކަން އަންގައިދީ ބަލާށެވެ.
ފަހަރުގައި މަޤްސަދު ހެޔޮވި ނަމަވެސް، އެކަމުގެ ސަބަބުން އެ ތުއްތު ދަރިފުޅަށް ލިބޭ އެއްވެސް ފައިދާއެއް އެބައޮތް ހެއްޔެވެ؟ ލިބޭނީ ގެއްލުމެއް ނޫންތޯއެވެ؟ ތުއްތު އިރު އެކުދިންގެ މައިންބަފައިން އެ ކުދިން ގެންގުޅުނު ގޮތަކަށް ހޭނޭނެއެވެ. ބޮޑުވެގެން އަންނަ އިރު "ފެޝަނަށް" އުޅޭށޭ ހިތާ ދެން އެކުއްޖާ ބޮޑުވެގެން އަންނައިރުގައި ވެެސް އުޅެން ބޭނުން ވާނީ ނިވާކަން ކުޑަ ހެދުންތަކުގައެވެ. އެފަދަ ކުދިންނަށް އަމާޒުވެގެން ދާނީ މުޖުތަމަޢުގެ ނޭދެވޭ ބަސްތަކެވެ.
ނަތީޖާއަކީ ކޮބައިކަން އެނގިލައްވާތޯއެވެ؟ ކުއްޖާ ހެދި ބޮޑުވަމުން އަންނައިރު ކުއްޖާގެ ކިބައިގައި ހުންނަންޖެހޭ ލަދު ކެނޑުމާއި، ނިވާކަން ކުޑަ ހެދުން އެޅުމަށް ކުއްޖާގެ ހިތުގައި ލޯބި އުފެދިގެން ދެއެވެ. އަދި ދަންނާށެވެ. އެފަދަ ކަންކަމަކީ ކުޑަކުދިން ޝިކާރަކުރާ ލޯތަކަށް އެކުދިން ކުރެވޭ އިސްތިހާރެކެވެ.
Ads by STO
