30،000ރުފިޔާގެ ބިލެއް އޭޑީކޭއަށް ނުދެއްކި، އާއިލާއެއް އެހީތެރިކަމަށް ބޭނުންވެފައި!
މިދިޔަ އޮކްޓޯބަރުމަހުގެ 22 ވަނަ ދުވަހު އޭޑީކޭ ހޮސްޕިޓަލުގައި އެޑްމިޓު ކުރި އުމުރުން 41 އަހަރުގެ އަންހެނަކު، ފަރުވާއަށްފަހު އޭޑީކޭ ހޮސްޕިޓަލަށް ބިލް ނުދެއްކިގެން އާންމުންގެ މަދަދަށް އެދިއްޖެއެވެ.
"ދެން" އަށް މައުލޫމާތު ދެމުން ބަލިމީހާގެ ދައްތަ އައިޝަތު ޝީޒާ ބުނީ އެއަންހެން މީހާ އޭޑީކޭ ހޮަސްޕިޓަލުގައި އެޑްމިޓުކުރީ ފައިގެ އިންފެކްޝަނެއް އުފެދިގެން އިނގިލި ބުރިކޮށްލުމަށްފަހު އިތުރު އިންފެކްޝަނެއް ހެދިގެން ފައިގެ ދަށްފުށުން ބައެއް ނަގާފައި އޮޕަރޭޝަން ކުރުމަށް ކަމަށެވެ.
"ބަލިމީހާ އިއްޔެވަނީ ހޮސްޕިޓަލުން ދޫކޮށްލާފަ. ބަލިމީހާ ކޮވިޑް ޓެސްޓެއް ހެދުމަށް އެންމެ ފުރަތަމަ ރޫމެއްގައި އެޑްމިޓުކުރި، އެކަހެރި ކުރުމަށް. ނަމަވެސް އޭގެ ނަތީޖާ ނައްސި ވުމުން ވެސް އެޑްމިޓުކުރީ ރޫމްގައި. އެކަމާ، އެހީތެރިޔާ (އަޅުގަނޑުގެ ބައްޕަ) ސުވާލު ކުރުމުން ނަރުސް ކުއްޖާ ބުނީ ބިރު ނުގަތުމަށާއި ރޫމެއްގައި ވިޔަސް ބިލް ނަގާނީ ވޯޑެއްގެ ރޭޓުން ކަމަށް. ނަމަވެސް މިއަދު ބިލްއައުމުން އާސަންދަ އަދި އެންސްޕާގެ އެހީއާއެކު ބިލު ދެއްކުމުން އޭޑީކޭއިން ބުނީ ރޫމްގައި ވީމަ 30،000 ރުފިޔާ އަރާފައިވާ ކަމަށް. އަޅުގަނޑުމެން ބުނިން އެވަރު ދެއްކެން ނެތް ކަމަށް އަދި ނަރުސް ކުއްޖާ އެހެން ބުނި ކަމަށާއި ސޮއި ކުރީ ވާޑުގައި ބާއްވާ ގޮތަށް ކަމަށް. ނަމަވެސް ހޮސްޕިޓަލްގެ މެނޭޖްމަންޓުން މިއަދު ގެންގޮސްފައި ވެސް ބުނީ އިތުރު ގޮތެއް ހެދެން ނެތް ކަމަށާއި އެފައިސާ ޖެހޭނީ ދައްކަން ކަމަށް." ޝީޒާ ބުންޏެވެ.
މިކަމާ ގުޅޭގޮތުން "ދެން" އަށް މައުލޫމާތު ދެއްވަމުން އޭޑީކޭގެ މެނޭޖިންގ ޑިރެކްޓަރ އަޙުމަދު އައްފާލް ވިދާޅުވީ އެޑީކޭގެ ޕްރޮސީޖަރ އޮންނަ ގޮތުން އެގޮތަށްދާ ބަލިމީހުން އެންމެ ފުރަތަމަ އެހެންމީހުންނާ އެކަހެރިކޮށް، ކޮވިޑް ޓެސްޓު ހަދާކަމަށެވެ. އެފަދައިން އެއަންހެންމީހާއަށް ވެސް ކަންތައްކުރި ކަމަށާއި ނަތީޖާ ލިބުމުން ވެސް ރޫމަކަށް ބަދަލު ކުރިކަމަށެވެ.
"ރޫމަށް ބަދަލު ކުރާނީ އާއިލާއިން އެދިގެން. އެއްވެސް މައްސަލައެއް އުޅޭނަމަ ކައުންޓަރަށް އިންނާނީ ލޮޖް ކުރެވެން. ނަމަވެސް މިހާތަނަށް އައި އިރު އެއްވެސް މައްސަލައެއް ނެތް ކްރިއޭޓް ކޮށްފައެއް. މައްސަލަ ޖެހިފައިވަނީ ބިލު އައި ހިސާބުން" އައްފާލް ވިދާޅުވިއެވެ.
އައްފާލް ވިދާޅުވިގޮތުގައި އެއާއިލާއާއި ވާހަކަ ދައްކައިގެން މިމައްސަލައަށް ޙައްލެއް ހޯދޭތޯ އޭޑީކޭ ހޮސްޕިޓަލުން އަންނަނީ މަސައްކަތް ކުރަމުންނެވެ.
އައްފާލު ވިދާޅުވީ އޭޑީކޭ ރޫމްތަކަކީ ބޮޑު ކިއުއެއް އޮންނަ ރޫމްތަކެއް ކަމަށާއި އެއްވެސް މީހެއްގެ ނުގަބޫލުގައި ރޫމަކަށް ބަދަލުނުކުރާނެކަމަށެވެ. އަދި ރޫމް ފީ އަކީ އާސަންދަ ކަވަރު ކުރާ ފީއެއް ނޫންކަމަށެވެ.
"މިކަހަލަ މައްސަލަތައް ކުރިންވެސް ދިމާވޭ. ރޫމްގައި ބާއްވާފައި ބިލް އަންނަ ހިސާބުން ވަރަށް ގިނަ ފަރާތްތަކުން ކަންބޮޑުވޭ. މިކަހަލަ ވަރަށް ގިނަ ކޭސްތައް ކުރިންވެސް އައިސްފައިވޭ" އައްފާލް ވިދާޅުވިއެވެ.
އޭޑީކޭ ހޮސްޕިޓަލުން ދޫކޮށްލާފައިވާ އެއާއިލާއަށް ތިޔަ އެންމެހާ ފަރާތްތަކުގެ ދީލަތި އެހީ ބޭނުންވެއެވެ. ވީމާ އެއާއިލާއަށް އެފައިސާ (30،000 ރުފިޔާގެ ބިލު) ދައްކަން އެހީވާން ބޭނުންވާ ފަރާތްތަށް ވީއެންމެ އަވަހަކަށް ތިރީގައިވާ އެކައުންޓު ނަންބަރަށް ފައިސާ ޖަމާކޮށްދެއްވުމަށް އާއިލާއިން އެދެއެވެ.
އެކައުންޓް ނަންބަރ: 7703218278102
އެކަންޓު ނަން: އިބްރާހިމް ޙަސަން.
އިތުރު މައުލޫމާތު: 9490120 (އައިޝަތު ޝީޒާ)
ކޮބާ މެމްބަރު. ވޯޓް ހޯދާގެން ފިލީދޯ
ޙުސްދޮގު އަންފާލު. ޢާއިލާ އިން އެދުނީ ވޯޑްގަ އެޑްމިޓް ކުރުމައް އަދި އެޑމިޝަން ފޯމްގަވެސް ސޮއެ ކުރީ ވޯޑް ގަ އެޑްމިޓް ކުރުމައް. ރޫމް އަށް ގެން ދިޔައީމަ ވަގުތުން އެތާ އެވަގުތު ހުރި ނަރުސް ކުއްޖާ ގާތު ބުނިން އެކުއްޖާ ބުނީ ބިރުނުގަތުމައް ފީ ހިނގާނީ ވޯޑް ގެ ރޭޓުން ކަމަށް. ނެތް ފެނވަރު ދައްކާއިގެން ތިތާ ރޫމް ގަ ބާއްވާނަމަ މިހާރު ކީކުރަން ވޯޑްގަ ބާއްވަންވީ. ސަލާމްޖަހަން މިއަދު އަހަރުމެނައް މިޖެހުނީ ކަލޭމެންގެ އިހުމާލުން އެޑްމިޝަން ފޯމް ބަލާބަލަ ޢަހަރުން އެދުނީ ރޫމް އަށް ތޯ
ނަރުސް ކުދިންނަކީ އަގު ކިޔާދޭން ތިބޭބައެއްނޫން. ޢެހެވެ ތި ނުބައި މައުލޫމާތެއް ތި ލިބުނީ.
ޢެކަމަކައް އޮންނަ ޓިޕާޓުމެންޓްއިން މައުލޫމާތު ސާފުކުރިނަމަ ތިހެން ނުވީސް….
ޙުސްދޮގު އަންފާލު. ޢާއިލާ އިން އެދުނީ ވޯޑްގަ އެޑްމިޓް ކުރުމައް އަދި އެޑމިޝަން ފޯމްގަވެސް ސޮއެ ކުރީ ވޯޑް ގަ އެޑްމިޓް ކުރުމައް. ރޫމް އަށް ގެން ދިޔައީމަ ވަގުތުން އެތާ އެވަގުތު ހުރި ނަރުސް ކުއްޖާ ގާތު ބުނިން އެކުއްޖާ ބުނީ ބިރުނުގަތުމައް ފީ ހިނގާނީ ވޯޑް ގެ ރޭޓުން ކަމަށް. ނެތް ފެނވަރު ދައްކާއިގެން ތިތާ ރޫމް ގަ ބާއްވާނަމަ މިހާރު ކީކުރަން ވޯޑްގަ ބާއްވަންވީ. ސަލާމްޖަހަން މިއަދު އަހަރުމެނައް މިޖެހުނީ ކަލޭމެންގެ އިހުމާލުން އެޑްމިޝަން ފޯމް ބަލާބަލަ ޢަހަރުން އެދުނީ ރޫމް އަށް ތޯ
ކީއްވެބާ އައިޖީއެމް އެޗް އަށް ނުދިޔައީ؟
އަސްލުއަރާވަރުބެލޭ ކޮއްމެދުވަހަކުވެސް ބެލޭ ނުބެލީމަ ވީގޮތް
އޭޑީކޭ ތީ ފޭރޭކޭ.
މިދެންް މިހުންނަނީީ ދެރ ކަންް މިކަންް މިކަންް މީި ބަލައިި ގަނެވޭނެވަރުގެެ ކަމެއްް ނޫން