14 އަހަރުގެ ކުއްޖާގެ އަމަލަށް ހިތްވަރު ލިބޭތީ ރަށު ކައުންސިލުގެ ކަންބޮޑުވުން

ލޯބިވެރިޔާއާ ބައްދަލުކުރަން، ސިނަމަން ވެލި ފުށި ރިސޯޓްގެ ލޯންޗެއް ވަގަށް ނަގައިގެން އެކަނި ދުއްވާފައި މާލެ ދިޔަ 14 އަހަރުގެ ފިރިހެން ކުއްޖާއާ ގުޅޭ ގޮތުން ސޯޝަލް މީޑިއާގައި ދައްކާ ވާހަކަތަކާއި ގުޅޭ ގޮތުން އެ ކުއްޖާ ނިސްބަތްވާ ރަށުގެ ކައުންސިލުން ކަންބޮޑުވުން ފާޅުކޮށްފިއެވެ.
އެ ފިރިހެން ކުއްޖާ ފިލައިގެން ގޮސްފައިވަނީ އިއްޔެ ހެނދުނު ވަގުތެއްގައި ކަމަށްވެއެވެ. އޭނާ މާލެ ދިޔަ ލޯންޗު ހުޅުމާލޭ ފަޅުގައި އަޅާފައި އޮއްވާ ފުލުހުން ވަނީ ހޯދާފައެވެ.
ލޯންޗުގައި އެކަނި ކުޑަކުއްޖަކު މާލެ ދިޔަ ހަބަރާއެކު ސޯޝަލް މިޑިއާގައި ގިނަ ބަޔަކަށް އެކަންވީ މަޖާ ކަމަކަށެވެ. އެ ކުޑަކުއްޖާ އަކީ ލޯބިވެރިންނަށް މިސާލެއް ކަމަށް ބުނެ އެއް ބަޔަކު ދަނީ ވާހަކަ ދައްކަމުންނެވެ.
މި ކުއްޖާ ނިސްބަތްވާ ރަށުގެ ކައުންސިލުގެ ރައީސް މިއަދު ''ދެން'' އަށް ވިދާޅުވީ މި ދަނޑިވަޅަކީ އެ ކުއްޖާގެ އާއިލާއަށް ވަރަށް ދަތި، އުދަނގޫ ދަނޑިވަޅެއް ކަމަށެވެ.
އައިލާ ބޭފުޅުންނަށް ވަރަށް އުދަނގޫ މިކަމާއި ގުޅޭ ގޮތުން ވާހަކަ ދައްކަން، މަންމަ އަށް ކައުންސިލިން ދެމުން ދަނީ''ސޯޝަލް މިޑިއާގެ ޕްލެޓްފޯމް ގައި މި ފަަދަ ކަންކަމަށް ޖޯކު ޖެހުމާއި، މަޖާކުރުމުގެ ބައި ގެންގުޅުން މިއީ އަސްލު ވަރަށް ދެރަކަމެއް، ހަގީގަތުގައި މިއީ ވަރަށް ބޮޑު ކަމެއް ކުޑަ، ކަމެއް ނޫން'' ކައުންސިލްގެ ރައީސް ވިދާޅުވިއެވެ. ''އެ ކުއްޖާ އަށް އެ ކުރެވުނު ކަމަކީ މާ ބޮޑު ކަމަކަށް ނެހެދި ޖޯކަކަށް މިވަނީ، އެ ހިސާބުން ގިނަ ފަހަރު ކުޑަކުދިންނަށް ލިބެނީ އިތުރު ހިތްވަރެއް'' އެފަދަ ކަންކަން ނުކުރަން ކައުންސިލުގެ ރައީސް އިލްތިމާސް ކުރިއެވެ.



.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.