އޮޑިޓް އޮފީހުގެ މިއަހަރުގެ އޮޑިޓް ކުރާނެ ބަޔަކު ހޯދަނީ
އޮޑިޓާ ޖެނެރަލްގެ އޮފީހުގެ މިއަހަރުގެ އަހަރީ އޮޑިޓް ކުރާނެ އޮޑިޓް ފާމެއް ހޯދަން އިއުލާނު ކޮށްފިއެވެ.
ރައްޔިތުންގެ މަޖިލީހުން ކުރި އިއުލާނެއްގައި ބުނެފައި ވަނީ، އޮޑިޓާ ޖެނެރަލްގެ އޮފީހުގެ އަހަރީ އޮޑިޓް ކުރުމަށް، އިންސްޓިޓުއުޓް އޮފް ޗާޓަޑް އެކައުންޓެންޓްސް އޮފް ދަ މޯލްޑިވްސްއިން އެކުލަވާލައްވާފައިވާ ދިވެހިރާއްޖޭގައި އޮޑިޓްކުރުމާއި އެޝޫރެންސް ހިދުމަތް ދިނުމުގެ ގަވައިދުގެ ދަށުން ލައިސަންސް ލިބިފައިވާ އޮޑިޓް ފާމެއް ހަމަޖެއްސުމަށް މަޖިލީހުގެ މާލިއްޔަތު ކޮމިޓީން ބޭނުންވާ ކަމަށެވެ.
އެހެންކަމުން، މި މަސައްކަތް ކޮށްދެއްވުމަށް ޝައުޤުވެރިވެވަޑައިގަންނަވާ ފަރާތްތަކުން 17 ޑިސެންބަރު 2020 ވާ ބުރާސްފަތި ދުވަހުގެ 11:00 އަށް ރައްޔިތުންގެ މަޖިލީހުގެ އިދާރާއަށް ވަޑައިގެން މަޢުލޫމާތު ސާފުކުރެއްވުމަށެވެ.
އަދި03 ޖަނަވަރީ 2021 ވާ އާދީއްތަ ދުވަހުގެ 11:00 އަށް އެ އިދާރާއަށް ވަޑައިގެން އަންދާސީ ހިސާބު ހުށަހެޅުއްވުން އެދޭ ކަމަށް އިއުލާނުގައި ވެއެވެ.
