ބިލެތް ބޭނުން ކުރަންވީ ހަމަ އެކަނި ފޯކާއެކުގައެއް ނޫން: އެއީ އެއަށްވުރެ ސިއްހީ ގޮތުން މާ ފައިދާ ހުރި އެއްޗެއް
ދިވެހީންނަށް ބިލެތަކީ ކޮންމެ ދުވަހަކުހެން ބޭނުން ކުރެވޭ އެއްޗެކެވެ. އެހެން ނަމަވެސް ގިނަ ބަޔަކު ބިލެތް ބޭނުން ކުރަނީ ފޯށް ލައިގެން ދުފުމަށެވެ. މި ގޮތަކީ ބިލެތް ކެއުމަށް އެންމެ ފައިދާ ހުރި ގޮތަށް ނުވެދާނެއެވެ. އެހެން ނަމަވެސް ބިލެތަކީ ސިއްހީ ގޮތުން އެތައް ފައިދާތަކެއް ލިއްބައިދޭ އެއްޗެކެވެ.
ހަގީގަތުގައި ހުހާ ކާން ވެސް ބިލެތަކީ ނުބައި އެއްޗެކޭ ނުބުނެވޭނެއެވެ. އަދި ކެއުމަށް ނޫނަސް އެހެން ގޮތްގޮތަށް ވެސް ބޭހުގެ ގޮތުގައި ބިލެތަކީ ބޭނުންކުރެވިދާނެ އެއްޗެކެވެ. އެހެން ކަމުން ބިލެތުން ލިބޭ ބައެއް ފައިދާތައް މި ލިޔުމުގައި ހިމަނާލެވޭތޯ ބަލާނަމެވެ.
ހަކުރު ބައްޔަށް ފަރުވާ އެއް
ބިލެތުގައި އެކުލެވޭ މާއްދާތަކުގެ ސަބަބުން މޭގައި ހަކުރު ހިމެނޭ މިންވަރު ދަށްކޮށް ދެއެވެ. އަދި އޭގެ ސަބަބުން ހަކުރުބަލިން ރައްކާތެރި ވުމަށް މަގުފަހިވެއެވެ.
ބަރުދަން ލުއިކުރުމަށް އެހީއެއް
ބިލެތަކީ ބަރުދަން ލުއިކުރުމަށް ބޭނުންވާ ފަރާތްތަކަށް ވަރަށް ބޭނުންތެރި އެއްޗަކެވެ. ސަބަބަކީ އޭގެ ސަބަބުން ހަށިގަނޑުން ސަރުބީ ހިމެނޭ މިންވަރު ދަށްކޮށް ދިނުމުގެ އިތުރުން ހަޖަމްކުރުމަށް ވެސް ފަސޭހަ ވާނެތީއެވެ.
ކެންސަރު ޖެހުމުން ދުރުކޮށްދޭ
ބިލެތަކީ އޯރަލް ކެންސަރ ޖެހުމުން ވެސް ދުރުކޮށްދޭ އެއްޗެކެވެ. ދުވާލަކު އެއް ފަހަރު ބިލެތް ބޭނުން ކުރާނަމަ މިފަދަ ބަލިތަކުގެ ޝިކާރައަކަށް ނުވެ ސަލާމަތް ވެވިދާނެއެވެ. އެގޮތުން މާމުއި އަދި 10 ފަތް ބިލެތް އަޅައިގެން ފެން ކައްކާށެވެ. އަދި ކޮންމެ ދުވަހަކު ވެސް މި ބުއިން ބޭނުން ކުރާށެވެެ.
ފާރުގަނޑުތައް ފަސޭހައިން ރަނގަޅު ކޮށްދޭ
ހަށިގަނޑުގައި އުފެދޭ ފާރުގަނޑުތައް ބިލެތް ބޭނުން ކޮށްގެން ބެންޑޭޖް ކުރުމަކީ އެފަދަ ތަންތަން ފަސޭހައިން ރަނގަޅުވުމަށް މަގުފަހިވާ ކަމެކެވެ.
ބޮލުގެ ރިހުން ލުއިކުރުމަށް އެހީއެއް
މާ ގަދަޔަށް ބޮލުގައި ރިއްސާނަމަ ބިލެތް ބޭނުން ކުރެވިދާނެއެވެ. ސަބަބަކީ އޭގައި ހިމެނޭ މާއްދާތަކުގެ ސަބަބުން ބޮލުގެ ރިހުން ކުޑަ ކުރެވޭތީއެވެ. މިއީ ދުނިޔޭގެ އެކި ހިސާބުތަކުގައިވެސް ބޮލުގެ ރިހުން ކުޑަ ކުރުމަށް ބޭނުންކުރެވޭ އެއްޗެކެވެ.
އާޓިކަލް އަށް މައުލޫމާތު ނެގި ގޮތް،(ރިފަރެންސް) ހިމަނާލާފައި އޮތް ނަމަ ވަރަށް ވެސ ފުރިހަމަވީސް.
ރަނގަޅު ނަމަވެސް މީވެލިޑް އާޓިކަލް އަކަށް ނުވޭ.ސައިންޓިފިކް ހޯދުންތައް ހޯދި ގޮތް ބުނެދީފައިވާނަމަ ވަރަށް ރަނގަޅު.