ވަޓްސްއެޕްގެ އާ އުސޫލަށް އަމަލުކުރުން ފަސްކޮށްފި
ވަޓްސްއެޕްގެ އުސޫލަށް އަންނަ މަހުގެ ކުރީކޮޅު އަމަލުކުރަން ނިންމުމާ އެކު އާންމުންގެ ފަރާތުން ކުރިމަތިވި ފާޑުކިޔުންތަކާއި ޕްރެޝަރުތަކާ ހެދި އެކަން ފަސްކޮށްފި އެވެ.
ވަޓްސްއެޕް ބޭނުންކުރާ މީހުންގެ ވަރަށް ގިނަ މައުލޫމާތު އެ އެޕް ހިންގާ ފޭސްބުކާ ހިއްސާކުރަން ޖެހޭ ގޮތަށް ވަނީ ނިންމާފައެވެ.ވަޓްސްއެޕް އިން ކުރި ޓްވީޓެއްގައި ވަނީ ފެބްރުއަރީ 8 ވަނަ ދުވަހު އެއްވެސް ވަޓްސްއެޕް އެކައުންޓެއް ސަސްޕެންޑް ނުކުރާނެ ކަމަށެވެ. އަދި އުސޫލަށް ބަދަލު ގެންނަން ފަށާނީ މެއި މަހުން ފެށިގެން ކަމަށެވެ.
ވަޓްސްއެޕުން ބުނެފައިވާ ގޮތުގައި އާ އުސޫލުގައި ކަންބޮޑުވާން ޖެހޭ ވަރުގެ ކަމެއް ނެތެވެ. އެކަމަކު މިކަން ބޮޑު މައްސަލައަކަށްވީ ހަގީގަތް އޮޅޭ ގޮތަށް ގިނަ ވާހަކަތަކެއް ފެތުރިގެން ދިއުން ކަމަށް ބުނެފައި ވެއެވެ. ބައެއް ފޯނުތަކުން ވަޓްސްއެޕް ބޭނުން ނުކުރެވޭ ގޮތަށް ހަދާފައި މިވަނީ ވަރަށް އަވަހަށް އެއެޕްލިކޭޝަނުން ތަޢާރަފް ކުރާ "ޑިސެޕިއަރިންގް މެސެޖެސް" ގެ ޚިދުމަތާ ގުޅިގެން ކަމަށް ވެސް ރިޕޯޓުތަކުން ބުނެފައި ވެއެވެ.
ވަޓްސްއެޕަކީ ބޭނުން ކުރަން ރަައްކާތެރި "އެންޑް-ޓު-އެންޑް-އެންކްރިޕްޓެޑް" ޕްލެޓްފޯމެއް ކަމަށް ވެސް އެ އެޕްލިކޭޝަންގެ ފަރާތުން ހާމަކޮށްފައި ވެއެވެ.
