މާރާމާރީ އާ ގުޅުން ހުރި ހަތިޔާރުތަކަކާއެކު މާލޭ ގެއަކުން ބަޔަކު ހައްޔަރުކޮށްފި
މާރާމާރީ އާ ގުޅުން ހުރި ހަތިޔާރުތަކަކާއެކު މާލޭ ގެއަކުން ބަޔަކު ހައްޔަރު ކޮށްފިއެވެ.
"ދެން" އަށް މަޢުލޫމާތު ލިބިފައިވާ ގޮތުގައި މިމީހުން ހައްޔަރު ކޮށްފައި ވަނީ މިލިޔަން ބުކްޝޮޕް ކައިރީ ހުންނަ ގެއަކުންނެވެ. މަންޒަރު ދުށް ފަރާތަކުން "ދެން" އަށް މަޢުލޫމާތު ދިން ގޮތުގައި ފުލުހުންވަނީ ތޫނު ހަތިޔާރާއި އަދި މިނޫން ވެސް މާރާމާރީއަށް ބޭނުން ކުރެވޭ ފަދަ ތަކެތި އަތުލައިގެންފައެވެ.
ފުލުހުންގެ މީޑިޔާ އޮފިޝަލް "ދެން" އަށް ވިދާޅުވީ، މިހާރު މާލޭގެ 4 ތަނެއް ބަލާ ފާސްކުރަމުން އަންނަ ކަމަށާއި އޮޕަރޭޝަން ނިމުމުން އިތުރު މަޢުލޫމާތު ހާމަކުރައްވާނެ ކަމަށެވެ.
"ދެ ގްރޫޕްގެ ދެމެދުގައި ސިލްސިލާކޮށް ހިންގަމުން އަންނަ މާރާމާރީތަކާއި ގުޅިގެން މާލޭގެ 4 ތަނެއް މިވަގުތުދަނީ ބަލާ ފާސް ކުރަމުން"
ފަހަކަށް އައިސް މާލޭގައި ، މާރާމާރީތައް ވަނީ އިތުރުވެފައެވެ. މިގޮތުން މިމަހުގެ 1 ވަނަ ދުވަހުން ފެށިގެން މާލޭގެ އެކި ސަރަހައްދުގައި ސިލްސިލާ މާރާމާރީތައް ދަނީ ހިންގަމުންނެވެ.
