ޕާކިސްތާނަށް އެލްއެންޖީ އުފުލި ޓޭންކަރަކަށް ދިން ހަމަލާއާއެކު، އީރާނާއެކު ވެފައިވާ ހޮރްމޫޒް އެއްބަސްވުމާމެދު ސުވާލު އުފެދިއްޖެ

އިސްލާމްއާބާދު -- ޕާކިސްތާނަށް ލިކިއުފައިޑް ނެޗުރަލް ގޭސް (އެލްއެންޖީ) އުފުލި ޓޭންކަރަކަށް ދާދި ފަހުން ދިން ހަމަލާއަކާ ގުޅިގެން، ސްޓްރެއިޓް އޮފް ހޮރްމޫޒްއިން އުޅަނދުތަކަށް ރައްކާތެރިކަމާއެކު ދަތުރުކުރެވޭނެ ގޮތް ހެދުމަށް އީރާނާއެކު ޕާކިސްތާނުން ކުރަމުންދާ ޑިޕްލޮމެޓިކް މަސައްކަތްތައް ނާކާމިޔާބުވެފައިވާ ކަމަށް ބުނެ ބަހުސްތައް ވަނީ ގަދަވެފައެވެ. މީގެ އިތުރުން، ގައުމަށް ބޭނުންވާ ގޭސް ފޯރުކޮށްދޭ ފަރާތްތަކާއި ދަތުރުކުރާ މަގުތައް އިތުރަށް ފުޅާކުރަން ޖެހިފައިވާ ކަމުގެ އިންޒާރު މި ހަމަލާއިން ވަނީ ލިބިފައެވެ.

އީރާނަށް އެމެރިކާ އާއި އިޒްރޭލުން ދެމުންދާ ހަމަލާތަކުގެ ސަބަބުން، ޕާކިސްތާނަށް އެލްއެންޖީ ލިބޭ މިންވަރު މަދުވެ، އެ ގައުމުގެ އާންމު ދިރިއުޅުމަށާއި ވިޔަފާރިތަކަށް ވަނީ ބޮޑެތި ބުރޫތަކެއް އަރާފައެވެ. މީގެ ތެރޭގައި ގޭސް ރޭޝަން ކުރުމާއި، ރޭގަނޑު ވަގުތުތަކުގައި ކަރަންޓު ކެނޑުމުގެ މައްސަލަތައް ވަނީ އާންމުވެފައެވެ.

ބަލޮޗިސްތާން ޕްރޮވިންސްގެ ގްވަދަރު ބަނދަރަށް މުދާ އެތެރެކުރުމުގެ ރައްކާތެރިކަން ކަށަވަރުކުރުމަށް ވެފައިވާ އެއްބަސްވުންތައް މިހާރު ވަނީ އިމްތިހާނެއްގެ ކުރިމަތީގައެވެ. ހަކަތައިގެ ރައްކާތެރިކަން ކަށަވަރުކުރުމަށްޓަކައި، އެހެން މަގުތަކާއި ސަޕްލަޔަރުން ހޯދުމަކީ މިހާރުން މިހާރަށް ކުރަންޖެހިފައިވާ މުހިންމު ކަމެއްގެ ގޮތުގައި މަޝްރަހު ދިރާސާކުރާ ފަރާތްތަކުން ފާހަގަކުރެއެވެ.