އެޗްޕީއޭގެ ގައިޑްލައިންގެ ސަބަބުން ހުރަސްތަކެއް ހުރުމުން، އިންތިހާބު ފަސްކުރަން ހުށަހަޅަން އުޅޭކަމުގެ ވާހަކަތަކެއް
ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ގައިޑްލައިންތަކުގެ ސަބަބުން އިންތިހާބު ބާއްވަން ހުރަސްތަކެއް ހުރުމުން، އިލެކްޝަންސް ކޮމިޝަނުން އިންތިހާބު ފަސްކުރަން ރައްޔިތުންގެ މަޖިލީހަށް ހުށަހަޅަން ނިންމައިފި ކަމަށް ބުނެ ވާހަކަތަކެއް ދެކެވެމުން އެބަދެއެވެ.
ލޯކަލް ކައުންސިލް އިންތިޚާބު ބޭއްވުމަށް މީގެ ކުރިން ނިންމާފައިވަނީ އޭޕްރީލް 4 ވަނަ ދުވަހުއެވެ. ރައްޔިތުންގެ މަޖިލީހުން ލޯކަލް ކައުންސިލްގެ އިންތިހާބުގެ ހާއްސަ ޤާނޫނަށް ގެނައި އިސްލާހާއެކު، އިންތިހާބުގެ ކެމްޕޭނާއި، އަދި އިންތިހާބުގެ ކަންކަން ކުރިއަށް ދާނެ ގޮތް ނިންމުގެ ބާރު އެޗްޕީއޭއަށް ދިނުމާ ގުޅިގެން ރޭ އެޗްޕީއޭއިން ވަނީ ކޮވިޑް-19 ގެ ހާލަތުގައި ރައްކައުތެރިކަމާއެކު ލޯކަލް ކައުންސިލްތަކުގެ އިންތިޚާބު ކުރިޔަށް ގެންދިއުމުގައި ޢަމަލުކުރަންވީ ގޮތުގެ އުސޫލު" ގެ ނަމުގައި ޚާއްސަ އުސޫލެއް ކަނޑައަޅާފައެވެ.
އޮންލައިން އެހެން ނޫހެއްގައި ލިޔެފައިވަނީ، ކައުންސިލް އިންތިޚާބު ލަސް ކުރަން ރައްޔިތުންގެ މަޖިލީހަށް ހުށަހަޅަން ހަފްތާގައި ނިންމާފައިވާ ކަމަށެވެ.
އެޗްޕީއޭއިން ރޭ އާންމުކުރި ކައުންސިލް އިންތިހާބުގައި އަމަލުކުރަން ޖެހޭ އާންމު އުސޫލުގައި އިންތިހާބަށް ތައްޔާރުވުމުގައްޔާއި އިންތިހާބު ބޭއްވުމުގައި ސަމާލުކަން ދޭންވީ ކަންކަމާއި ވޯޓުލާ މަރުކަޒުތަކުގައި ރައްކާތެރިކަމުގެ ގޮތުން އަޅަންޖެހޭ ފިޔަވަޅުތަކާއި ވޯޓު ގުނުމުގައި އަމަލު ކުރަންވީ ގޮތާއި އިންތިހާބުގެ މަސައްކަތްތަކުގައި ހަރަކާތްތެރިވާ މީހުން އަމަލުކުރަން ޖެހޭ ގޮތްތަކާއި ވޯޓުލާ މަރުކަޒުގައި ހުންނަ ތަކެތީގެ ސާފުތާހިރުކަން ހުންނަން ޖެހޭ ގޮތް ހިމަނާފައިވެއެވެ.
މިކަމާއި ގުޅޭގޮތުން އިލެކްޝަންސް ކޮމިޝަންގެ ބަހެއް އަދި ލިބޭ ގޮތެއް ނުވެއެވެ.
އިންތިހާބު ބާއްވަންވީ. އެމެރިކާގަ ވެސް ބޭއްވީނު