އާބާދީ މަދުވުމާއި ސިޔާސީ ހީނަރުކަން: ޗައިނާގެ ބާރު ކެނޑެނީ؟

ދުނިޔޭގެ ސިޔާސީ މަޝްރަހާއި ޚާރިޖީ ސިޔާސަތުތަކާ ބެހޭގޮތުން 1922 ވަނަ އަހަރުން ފެށިގެން ލިޔުންތައް ޝާއިއުކުރަމުން އަންނަ މަޝްހޫރު 'ފޮރިން އެފެއާޒް' މަޖައްލާގައި މިފަހަރު އަލިއަޅުވާލާފައިވަނީ ޗައިނާގެ އާބާދީއަށް އަންނަ ބަދަލުތަކާއި އެ ގައުމުގެ ކުރިމަގާ ބެހޭގޮތުންނެވެ. 2021 ވަނަ އަހަރު ޗައިނާގެ އާބާދީ 1.4 ބިލިއަނަށް އަރައި އެންމެ މައްޗަށް ދިއުމަށްފަހު، މިހާރު ދަނީ ވަރަށް ބާރުމިނެއްގައި ދަށަށް ދަމުންނެވެ.

ފޯޑަމް ޔުނިވަރސިޓީ އަދި ކައުންސިލް އޮން ފޮރިން ރިލޭޝަންސްގެ މާހިރެއް ކަމަށްވާ ކާލް މިންޒްނާ، ފޮރިން އެފެއާޒްގައި ޝާއިއުކުރި އާ މަޒުމޫނެއްގައި ފާހަގަކުރައްވާފައިވާ ގޮތުގައި، ޗައިނާގެ ކުރިމަގު 'ވަރަށް ބޮޑަށް ބަނަވަނީ' އެ ގައުމުގެ އާބާދީ މަދުވުމާއި ސިޔާސީ ގޮތުން ކުރިމަތިވެފައިވާ ހުއްޓުމުގެ ސަބަބުންނެވެ. މިއީ 21 ވަނަ ގަރުނުގައި ޗައިނާގެ ހަގީގީ މަލަމަތި ކަމަށާއި، މީގެ ސަބަބުން އެ ގައުމުގެ ޚާރިޖީ ސިޔާސަތަށާއި، ގައުމުގެ ހަމަޖެހުމަށް އަދި ކޮމިއުނިސްޓް ޕާޓީގެ ވެރިކަމަށް ލޮޅުން އަރާނެ ކަމަށް އޭނާ ވަނީ ވިދާޅުވެފައެވެ.

މި މައުލޫއަށް ވާހަކަ ދައްކަވަމުން ފޮރިން އެފެއާޒްގެ އެޑިޓަރު ޑޭން ކާޓްޒް-ފީލަން ވަނީ މިންޒްނާއާއެކު ޚާއްސަ އިންޓަވިއުއެއް ކުރިއަށް ގެންގޮސްފައެވެ. މި އިންޓަވިއުގައި ޗައިނާގެ ރައީސް ޝީ ޖިންޕިންގް އާއި އެ ގައުމުގެ ސިޔާސަތުތައް އެކުލަވާލާ ފަރާތްތަކުން މި މައްސަލަ ހައްލުކުރުމުގެ ބަދަލުގައި އިތުރަށް ގޯސްކުރަމުންދާ ގޮތްތަކާއި، ކުރިއަށް އޮތް އަހަރުތަކުގައި މީގެ ސަބަބުން ޗައިނާގެ ބާރަށް ކުރާނެ އަސަރުތަކުގެ މައްޗަށް އަލިއަޅުވާލާފައިވެއެވެ. އަދި މިއީ އެމެރިކާއަށް އޮތް އިންޒާރެއްގެ ގޮތުގައިވެސް ވަނީ ސިފަކޮށްފައެވެ.

މި އިންޓަވިއު ޕްރޮގްރާމް އުފެއްދުމުގައި ރޭޗަލް ޕަވަލް، އޭޑްރިއަން ފެއިންބާގް، އަދި ކަނީޝްކް ތަރޫރު ބައިވެރިވެފައިވާއިރު، އޯޑިއޯ އިންޖިނިއަރިންގްގެ މަސައްކަތް ކުރީ ޓޮޑް ޔޭގަރއެވެ. އަދި މިއުޒިކް ތައްޔާރުކޮށްދިނީ ރޮބިން ހިލްޓަންއެވެ.