އިސްލާމީ މަރުކަޒުގައި ވެސް ވެކްސިން ޖަހަން ފަށައިފި
މިއަދު ފެށިގެން އިސްލާމީ މަރުކަޒުގައި ވެސް ވެކްސިން ޖެހުމުގެ ހިދުމަތް ކުރިއަށްދާނެ ކަަމަށް އެޗްޕީއޭއިން ބުނެފިއެވެ.
އެޗްޕީއޭއިން މިއަދު ބުނީ އުމުރުން 66 އަހަރުން މަތީގެ އެންމެންނާއި 45 އަހަރާއި 55 އަހަރާ ދެމެދު އުމުރުފުރައިގެ ދިގު މުއްދަތަށް ބޭސް ބޭނުން ކުރާ މީހުންނަށް، މިއަދުން ފެށިގެން އިސްލާމީ މަރުކަޒުގައި ވެކްސިން ޖެހޭނެ ކަމަށެވެ.
އެ ސެންޓަރުގައި ވެކްސިން ޖެހުމުގެ ހިދުމަތް ލިބިގެންދާނީ ހަވީރު 5 ޖަހަންދެނެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމު ކޮށްފައިވާ ތަފާސްހިސާބުތަކަށް ބަލާއިރު މިހާތަނަށް މުޅި ރާއްޖެއިން ޖުމްލަ 20،161 މީހުންނަށް ވަނީ ވެކްސިން ޖަހާފައެވެ.
މާލެ ސަރަޙައްދުގައި ވެކްސިން ދިނުމަށް ގާއިމް ކޮށްފައިވާ ސެންޓަރުތަކުން މިހާތަނަށް ޖުމްލަ 16،703 މީހުންނަށް ވެކްސިން ދީފައިވާއިރު އަތޮޅުތެރޭގެ ދެ ސެންޓަރުން މިހާތަނަށް ޖުމްލަ 3،458 މީހަކަށް ވެކްސިން ދީފައި ވެއެވެ.
