އަނގައިން ނުބައި ވަސް ދުވަނީތަ؟ މިއޮތީ ދާއިމީ ހައްލެއް!
އަނގައިން ނުބައިވަސް ދުވުމަކީ ވަރަށް ގިނަމީހުންނަށް ދިމާވެފައިވާ ވަރަށް ބޮޑު މައްސަލައެކެވެ. އެކަމުގެ ސަބަބުން އެމީހާއަށާއި، އެހެންމީހުންނަށް ވެސް އޭގެ އުނދަގޫ ވަމުންދާ ހައްލުކުރަން އުނދަގޫ ކަމެކެވެ. މިއީ މިކަމަށް ޑޮކްޓަރީ އެތައް ބޭހެއް ވެސް ތައްޔާރު ކުރެވިފައިވާ ކަމެއް ވެސް މެއެވެ.
އަނގައިން ނުބައިވަސް ދުވާ ބައިވަރު ސަބަބުތަކެއް ވެއެވެ. އޭގެތެރޭގައި ވަސްގަދަ ކާއެއްޗެހި ބޭނުން ކުރުމާއި، ސިގެރޭޓް ބުއިމާއި، އަނގަތެރެ ހިކުމާއި، ސިއްހީ މައްސަލައެއް ދިމާވުމާއި، ހިރުގަނޑުގެ މައްސަލައިގެ އިތުރުން ސައިނަސް ކަހަލަ ސަބަބުތައް ހިމެނެއެވެ. މައިގަނޑުގޮތެއްގައި އަނގައިން ނުބައިވަސް ދުވަނީ ދުލުގެ ފަހަތުގައި ނޫނީ ދަތްތަކުގެ ދޭތެރޭގައި ބެކްޓީރިއާ އުފެދުމުންނެވެ.
އެހެންކަމުން އަގައިން ނުބައިވަސް ދުވުން ހުއްޓުވުމަށް ކުރެވިދާނެ ކަންތައްތަކެއް ނުވަތަ ހެދިދާނެ ގޮތްތަކެއް މިވަނީ ހޯދުން މަޖުބޫރުވެފައެވެ. އެންމެ މުހިންމު އަދި ފަސޭހަ ގޮތަކީ އަމިއްލަ ސާފުތާހިރުކަމަށް ސަމާލުކަން ދިނުމެވެ. ދުވާލު ދެއިރު އަނގަޔާއި ދަތްޕިލާ ސާފުކޮށް ތާހިރު ކުރުން ނުވަތަ ދަތް އުނގުޅުން ހިމެނެއެވެ.
މީގެ އިތުރުން އަނގައިން ނުބައިވަސް ކެނޑުވުމަށް އިރުކޮޅުކޮޅާ ފެން ބުއިން މުހިންމެވެ. ކައި ނިމުމަށްފަހު ދެތިން ސިކުންތު ވަންދެން ތާފަނާ ފެން ފޮދަކުން އަގަދޮވެލުން ވެސް މުހިންމެވެ. މިހެން ހެދުމުން ދަތް ދޭތެރޭ ހަރުލާފައި ހުންނަ ކާއެއްޗެހި ނެއްޓި އަނގަތެރެ ސާފުވާނެއެވެ.
ދަތުގެ ޑޮކްޓަރުން ބޮޑަށް ލަފާ ދެނީ މައުތު ވޮޝް ކަހަލަ އެއްޗަކުން ނުވަތަ ފްލޮސިންގ އިން އަނގަ ސާފު ކުރުމަށެވެ. ނަމަވެސް މިއީ ދާއިމީ ހައެއްލެއް ލިބޭ ކަންކަމެއް ނޫނެވެ. ހަމަ ވަގުތީ ގޮތެއްގައި ނޫނީ މިތަކެތި ބޭނުންކުރިޔަސް ނުބައިވަސް ކެނޑިގެން ނުދެއެވެ.
ދާއިމީ ގޮތެއްގައި އަނގައިގެ ނުބައިވަސް ކަނޑުވާލުމަށްޓަކައި މި ގޮތަށް ޢަމަލު ކުރައްވާށެވެ. ބައި ސަމުސާ ބޭކިންސޮޑާ ފެން ޖޯޑަކަށް އަޅާށެވެ. އިރުކޮޅެއް ވަންދެން ބެހެއްޓުމަށްފަހު އޭގެ ތެރެއަށް ދަތް އުނގުޅާ ބުރުސްލައި ތެންމާލުމަށްފަހު އެ ބުރުހުން ދަތްޕިލާ ރަނގަޅަށް އުނގުޅާލާށެވެ. މިގޮތަށް ކޮންމެ ދުވަހަކު މަދުވެގެން ދެފަހަރު އުނގުޅާށެވެ. ހަފްތާއެއް ވާއިރު އެއްކޮށް އަނގައިން ނުބައި ވަސް ކެނޑޭނެއެވެ.
ތެދު