ކޮވިޑް-19: ހައި ރިސްކު ބައެއް މީހުންނަށް ގޭގައި ފަރުވާދޭން ފަށައިފި
ކޮވިޑް-19ގެ ހައި ރިސްކު ބައެއް މީހުންނަށް ގޭގައި ފަށާފައިވާ ކަމަށް ޓެކްނިކަލް އެޑްވައިޒަރީ ގްރޫޕް (ޓެގް) އިން ބުނެފިއެވެ.
ހެލްތު އިމަޖެންސީ އޮޕަރޭޝަންސް ސެންޓަރު (އެޗްއީއޯސީ) އިން ރޭ ގައި ބޭއްވި ނޫސްވެރިންގެ ބައްދަލުވުމުގައި އެތެރެހަށީގެ ޑރ. އަހުމަދު ޝަހީދު ވަނީ ކޮވިޑްގެ ތިން ވަނަ ރާޅާއެކު ރާއްޖޭގައި ކަންބޮޑުވާ ކަންތައްތަކެއް ފެންނަމުންދާކަން ހާމަ ކުރައްވައިފައެވެ.
އެގޮތުން ކޮވިޑްގެ ފުރަތަމަ ރާޅާއި ދެވަނަ ރާޅަށް ވުރެ ތިން ވަނަ ރާޅާ އެކު ފައްސިވާ މީހުން އިތުރުވެފައިވާ ކަމަށް ޑރ. ޝަހީދު ވިދާޅުވިއެވެ.
ޑރ. ޝަހީދު މީގެއިތުރުން ވިދާޅުވީ ކޮވިޑް-19ގެ ދެވަނަ ރާޅެއްގައި އުޅޭތާ މިހާރު ދޮޅު މަހެއްހާ ދުވަސް ވެފައިވާ ކަމަށާއި، މި ދަޮޅު މަސް ތެރޭގައި އެކި އެކި ފިޔަވަޅުތައް އެޅުނު ކަމަށެވެ. އަދި ފިޔަވަޅުތައް އަޅަން ފަށާފައި ވަނީ މީހުންނަށް ބޮޑެތި އުނދަގޫތައް ނުވާނެ ގޮތަކަށް ބަލައިގެން ކަމަށް ވެސް އޭނާ ވިދާޅުވިއެވެ.
"ދެވަނަ ރާޅުގައި ގާތްގަނޑަކަށް 900 އަށްވުރެ މަތީގައި ހުރި ދެ ހަފްތާއެއްހާ ދުވަސް، ދެން އޭގެ ފަހުން ފިޔަވަޅުތަކާއި އެކުގައި ވަރަށް އަވަހަށް ދަށަށް އަންނަން ފެށި، މި ރާޅަށް ބަލާއިރު، 900އަށްވުރެ ގިނަ ކޮށް އަަދަދުތައް ހުންނަތާ ގާތްގަނޑަކަށް ހަތަރު ހަފްތާ މިވީ، މި ހަތަރު ހަފްތާ ތެރޭގައި އެކި ފިޔަވަޅުތައް އެޅިފައި މި ވަނީ". ޑރ. ޝަހީދު ވިދާޅުވިއެވެ.
