ޓޫރިޒަމް ރަނގަޅުވެ ގެއްލުނު ވަޒީފާތައް ލިބިއްޖެ، އިތުރު 9،000 ވަޒީފާގެ ފުރުސަތު މި އަހަރު ތެރޭގައި
ރާއްޖޭގެ ފަތުރުވެރިކަން ރަނގަޅުވެ، ގެއްލުނު ވަޒީފާތައް ލިބިއްޖެ ކަމަށާއި އިތުރު 9000 ވަޒީފާގެ ފުރުސަތު މިއަހަރު ތެރޭގައި ހުޅުވިގެން ދާނެ ކަމަށް ޓުއަރިޒަމް މިނިސްޓަރ އަބްދުﷲ މައުސޫމް ވިދާޅުވެއްޖެއެވެ.
"ފަތުރުވެރިކަމަށް ރަން އަހަރު" ފުރުމުގެ ލޯގޯ އިފްތިތާޙް ކުރުމުގެ ގޮތުން ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން މިނިސްޓަރ މައުސޫމް ވިދާޅުވީ، މިއަހަރު އާ ރިސޯޓުތައް ހުޅުވިގެން އިތުރު 9000 ވަޒީފާ އުފެދޭނެ ކަމަށެވެ.
މީގެ އިތުރުން ކޮވިޑް-19ގެ ހާލަތުގެ ކުރީކޮޅު ފުރަތަމަ ތިން މަސް ދުވަހު، ފަތުުރުވެރިންނަށް ޚިދުމަތް ދޭ ތަންތަނުން މުވައްޒަފުން ގެންގުޅުނު ކަމަށާއި ނަމަވެސް މިދިޔަ މެއި މަހާ ހިސާބުން ނޯ ޕޭއަށް ދިއުމާއި، ޕޭ ރީސްޓްރަކްޗަރ ކުރުން ފަދަ ކަންކަން ކުރެވިގެން ދިޔަ ކަމަށް މިނިސްޓަރ ވިދާޅުވިއެވެ.
މިކަންކަމާއެކު ވެސް ގެއްލުމުން އަރައިގަނެވުމުން ދަނީ ހިތްހަމަޖެހޭ ގޮތަށް ކަމަށާއި އެގޮތުން މިހާރު ގިނަ ތަންތަނުން ވަޒީފާއަށް މީހުން އަނބުރާ ނެރެން ފަށާފައިވާކަން ޓޫރިޒަމް މިނިސްޓަރ ފާހަގަ ކުރެއްވިއެވެ.
"މިހާރު ރާއްޖޭގެ އެނދުގެ %94 އޮޕަރޭޝަނަށް އައިސްފި. ވަޒީފާއަށް ވެސް މީހުން ނެރެމުން ދަނީ. ޓުއަރިޒަމް މިނިސްޓްރީގެ ސީދާ ތަފާސް ހިސާބު އެދުވަހެއްގެ އަންއެމްޕްލޮއިމެންޓް ރޭޓެއް ނެތް. އެކަމަކު އިންޑަސްޓްރީގެ މުވައްޒަފުންނާ ވަރަށް ގާތުން އެބަ މަސައްކަތް ކުރެވޭ. އުއްމީދަކީ އަހަރުގެ މެދެއްހާ ހިސާބަށް ހުރިހާ ފަރާތްތަކަށް ވަޒީފާ ލިބޭނެ ކަމަށް" މިނިސްޓަރ މައުސޫމް ވިދާޅުވިއެވެ.
ބޮޑު ދޮގެއް
އެންމެންނަކަށް ވަޒީފާ ނުލިބޭ
ހަމަޔަގީނުންވެސް މިގެއިން ވަޒީފާއިން ކަޑާލި މީހާއަކަށް އަދިވެސް ވަޒީފާ ނުލިބޭ