މާލޭގެ ލޮކްޑައުނަށް ލުއި ދޭން 67 ޕަސެންޓް މީހުން ތާއީދުކުރި: ދިރާސާ
ކޮވިޑް-19 އާއި ގުޅިގެން މާލެ ސަރަހައްދުގައި އިއުލާންކޮށްފައިވާ ލޮކްޑައުނަށް ލުއިތައް ދޭން 67 ޕަސެންޓް މީހުން ތާއީދުކުރި ކަމަށް ގައުމީ ޔުނިވާސިޓީން އާއި ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ހެދި ދިރާސާއަކުން ދައްކައިފިއެވެ.
"ސްޓަޑީ އޮފް ސޯޝިއޯ އިކޮނޮމިކް އެސްޕެކްޓްސް އޮފް ކޮވިޑް-19 އިން މޯލްޑިވްސް" ގެ ނަމުގައި ކުރިއަށް ގެންދިޔަ މި ދިރާސާގައި 2517 މީހުން ބައިވެރިވިއި، ރު މި ދިރާސާ އިން ދައްކާ ގޮތުގައި 67 ޕަސެންޓް މީހުން ވަނީ ލޮކްޑައުނަށް ލުއިތައް ދޭން ތާއީދުކޮށްފައެވެ. މީގެތެރެއިން 50 ޕަސެންޓް މީހުން ބޭނުންވީ މަރުހަލާތަކަކަށް ބަހާލައިގެން ގައިޑްލައިންތަކާއެކު ލޮކްޑައުނަށް ލުއި ދިނުމަށެވެ.
އަދި 15 ޕަސެންޓް މީހުން ގައިޑްލައިންތަކާއެކު ލޮކްޑައުނަށް މުޅިން ލުއިދިނުމަށް ތާއީދުކުރިއިރު، ގައިޑްލައިނެއް ނެތި ލޮކްޑައުނަށް މުޅިން ލުއިތައް ދޭން ތާއީދުކުރީ ދެ ޕަސެންޓް މީހުންނެވެ. މީގެއިތުރުން މި ދިރާސާގައި ބައިވެރިވި 33 ޕަސެންޓް މީހުން ވަނީ ލޮކްޑައުނަށް ލުއިދޭން ނުފެންނަ ކަމަށްވެސް ބުނެފައެވެ.
މާލެ ސަރަހައްދުގައި އިއުލާންކުރި ލޮކްޑައުނަށް ލުއިތައް ދޭން ފެށުމާއެކު އަނެއްކާވެސް ކޮވިޑަށް ޕޮޒިޓިވްވާ މީހުންގެ އަދަދު ވަނީ އިތުރުވާން ފަށާފައެވެ. އެގޮތުން އިއްޔެ އެކަނި ވެސް 68 މީހުން ބައްޔަށް ޕޮޒިޓިވް ވިއިރު މީގެތެރެއިން 47 މީހުންނަކީ ދިވެހިންނެވެ.
