އެނބުރި 'ނޯމަލް' ދިރިއުޅުމަށް ދިއުމަށް ސިދާތު ކެތްމަދުވެފައި
ކޮވިޑް19 ގެ ސަބަބުން އައި ލޮކްޑައުން އާއެކު ގިނަ ބައެއްގެ ދިރިއުޅުމަށް މި ވަނީ ބޮޑު ބަދަލުތަކެއް އައިސްފައެވެ. އެގޮތުން ބޮލީވުޑު ތަރިން ވެސް އަންނަނީ އަލުން އެނބުރި ކުރީގެ ދިރިއުޅުމަށް ދެވޭނެ ދުވަހަކަށް އިންތިޒާރު ކުރަމުންނެވެ.
އެގޮތުން ބޮލީވުޑް ތަރި ސިދާތު މަލޯތުރާ ވެސް މި ވަނީ ކުރީގެ ދިރިއުޅުމަށް ދާން ކެތްމަދުވެފައިވާ ކަން ހާމަކޮށްފައެވެ.
އެގޮތުން ސިދާތު މިވަނީ އިންސްޓަގްރާމްގައި ކުރީގެ ޝޫޓިން އެއްގެ ފޮޓޯ އެއް ހިއްސާކޮށްފައެވެ. ކެމެރާ އެއްގައި ލޯ ޖަހައިގެން ހުރެ ނަގާފައިވާ މި ފޮޓޯ ހިއްސާކުރަމުން ސިދާތު ބުނީ އެނބުރި ކުރީގެ ދިރިއުޅުމަށް ދެވޭނެ ދުވަހެއް ބަލަނީ ކަމަށެވެ.
ލޮކްޑައުން އާއެކު ސިދާތު މީސް މީޑިއާގައި ޕޯސްޓުކުރުން ވަނީ ކުރިއަށް ވުރެ ގިނަވެފައެވެ. އެގޮތުން ސިދާތު ލޮކްޑައުން ހޭދަކުރި ގޮތް އޭނާ މީސް މީޑިއާ ގެ ޒަރީއާއިން އަންނަނީ ހިއްސާކުރަމުންނެވެ.
