މަހުލޫފުގެ އިތުބާރު ނެތްކަމުގެ ވޯޓު ނަގާ ހިސާބަށް އަދި ކަންކަން ނުދޭ: އަލީ އާޒިމް
މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމަންޓް އަޙުމަދު މަޙްލޫފްގެ އިތުބާރު ނެތްކަމުގެ ވޯޓު ނަގާ ހިސާބަށް އަދި ކަންކަން ނުދާ ކަމަށް ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެންބަރު އަލީ އާޒިމް ވިދާޅުވެއްޖެއެވެ.
ބައެއް މީޑިއާތަކުން ރިޕޯޓު ކޮށްފައިވަނީ މިނިސްޓަރ މަހުލޫފްގެ އިތުބާރު ނެތްކަމުގެ ވޯޓު މަޖިލިހަށް ވެއްދުމަަށް މަސައްކަތް ކުރަމުންދާ ކަމަށާއި އެމައްސަލަ މަޖިލިހަށް ވެއްދުމަށް އެމްޕީ އާޒިމް އެހެން މެންބަރުންގެ ސޮއި ހޯދުމަށް މަސައްކަތް ކުރަމުންދާ ކަމަށެވެ.
ނަމަވެސް އެވާހަކަތަށް ދޮގު ކުރައްވަމުން އޮންލައިން ނޫސް "ސަން" އަށް މައުލޫމާތު ދެމުން އާޒިމް ވިދާޅުވީ އެފަދަ އެއްވެސް ކަމެއް އޭނާ ނުކުރައްވާ ކަމަށާއި އެހެން ބަޔަކުވެސް އޭނާއަށް އެނގިގެން މަހްލޫފުގެ އިތުބާރު ނެތް ކަމުގެ ވޯޓު ނެގުމަށް މަސައްކަތް ނުކުރައްވާކަމަށެވެ.
"އަޅުގަނޑަށް އެނގިގެން ތިފަދަ އެއްވެސް ކަމެއް ނުހިނގާ. އަދި އިތުބާރު ނެތް ކަމުގެ ވޯޓު ވައްދާ ހިސާބަށް ކަންކަން ނުވެސްދޭ،" މެދު ހެންވޭރު ދާއިރާގެ މެންބަރު އަލީ އާޒިމް ވިދާޅުވި އެވެ.
