ރާއްޖެއަށް ސްނޯ ފައިބާނެ ކަމަށް ޖާބިރު ލަފާކުރައްވައިފި
ރާއްޖެއަށް ސްނޯ ފައިބާނެ ކަމަށް ބެލެވޭ ކަމަށް ޑީއާރްޕީގެ ލީޑަރު އަދި ކާށިދޫ ދާއިރާގެ މެންބަރު އަބްދުﷲ ޖާބިރު ވިދާޅުވެއްޖެއެވެ.
ޖާބިރު މިހެން ވިދާޅުވީ އިއްޔެގެ ރައްޔިތުންގެ މަޖިލީހުގެ ޖަލްސާގައި ފެނާއި ނަރުދަމާ އާއި ގުޅޭ ގޮތުން ސަރުކާރުން ހުށަހެޅި ބިލަށް ބަހުސް ކުރައްވަމުނެވެ.
އެގޮތުން ޖާބިރު ވިދާޅުވީ މޫސުން ބަދަލު ވަމުން އަންނަ މި ދަނޑިވަޅުގައި ރާއްޖެއަށް ފިނިވެސް ވާން ފަށާފާނެ ކަމަށާއި ސްނޯވެސް އަންނާނެ ކަމަށް ލަފާކުރެވޭ ކަމަށެވެ.
އަދި ޖާބިރު ވަނީ ދިވެހިރާއްޖެ ފަދަ އަގުބޮޑު ގައުމެއްގައި ރައްޔިތުންގެ އަތުން ފެނާއި ނަރުދަމާއަށް ލާރި ނަގަނީ ކީއްވެތޯ ސުވާލުކުރައްވާފައެވެ.
"މިހާރު ޔޫރަޕްގެ ގައުމުތަކަށްވުރެވެސް އިންޑިކޭޓަރު މަތީގައި މިތާނގެ މުއްސަނދިކަން މިހުރީ، އަޅުގަނޑު ބަލާލިއިރުގައި އެމެރިކާވެސް މިތަނުގެ އެހީތެރިކަން ބޭނުންވޭ މިއޮތީ". ޖާބިރު ވިދާޅުވިއެވެ.
ޖާބިރު ވަނީ ހިލޭ ފެނާއި ނަރުދަމާގެ ހިދުމަތް ރައްޔިތުންނަށް ދޭން ފެންނަ ކަން ވެސް ހާމަކުރައްވާފައެވެ.
