ޗައިނާ ވެކްސިންގެ ދެވަނަ ޑޯޒް ހަތަރު ހަފްތާ ފަހުން ޖެހޭނެ

ކޮވިޑް-19 އިން ދިފާއުވުމަށް ރާއްޖޭގައި މިހާރު ބޭނުން ކުރަމުން އަންނަ ޗައިނާގެ ބީޖިންގް ބަޔޯ-އިންސްޓިޓިއުޓް އޮފް ބަޔޮލޮޖިކަލް ޕްރޮޑަކްސް އިން އުފައްދާފައިވާ ސައިނޮފާމް ވެކްސިންގެ ދެވަނަ ޑޯޒް ހަތަރު ހަފްތާ ފަހުން ޖެހޭ ގޮތަށް ހެލްތް ޕްރޮޓެކްޝަން އޭޖެންސީން ކަނޑައަޅައިފިއެވެ.
ޗައިނާގެ ސައިނޮފާމް ވެކްސިން ބޭނުން ކުރުމަށް މޯލްޑިވްސް ފުޑް އެންޑް ޑްރަގް އެތޯރިޓީން ހުއްދަ ދީފައި ވަނީ މިމަހުގެ 14 ވަނަ ދުވަހުއެވެ. މި މަހުގެ 22 ވަނަ ދުވަހު ވަނީ މި ވެކްސިން އާންމުންނަށް ދޭން ފަށައިފައެވެ.
އެޗްޕީއޭއިން ވިދާޅުވީ ސައިނޮފާމްގެ ފުރަތަމަ ޑޯޒް ޖެހުމަށް ފަހު، ހަތަރު ހަފްތާ ފަހުން ދެވަނަ ޑޯޒް ޖެހޭނެ ކަމަށެވެ.
https://twitter.com/HPA_MV/status/1377100400893992963?ref_src=twsrc%5Etfw%7Ctwcamp%5Etweetembed%7Ctwterm%5E1377100400893992963%7Ctwgr%5E%7Ctwcon%5Es1_c10&ref_url=https%3A%2F%2Fsun.mv%2F150665%3Ffbclid%3DIwAR2PXxhZICsMljf-5WV3SFuLLl8XinuLWn1xuzWu59s-HpZteOusaYePLI8
މިހާރު ވެކްސިންގެ ފުރަތަމަ ޑޯޒްގެ ޖަހާ މީހުންނަށް ދެނީ ސައިނޯފާމް ވެކްސިނެވެ. ޗައިނާ ސަރުކާރުން ރާއްޖެއަށް ހަދިޔާކުރި ސައިނޯފާމް ވެކްސިންގެ ދެ ވަނަ ބެޗު ރޭ ވަނީ ރާއްޖެ ގެނެސްފައެވެ.
ރާއްޖޭގައި ސައިނޯފާމް ވެކްސިން ދެނީ އުމުރުން 18 އަހަރާއި 60 އަހަރާ ދެމެދުގެ މީހުންނަށެވެ.
މިހައިތަނަށް މުޅި ރާއްޖެއިން ޖުމްލަ 233،875 މީހުންނަށް ވެކްސިން ދީފައި ވެއެވެ.
މާލެ ސަރަޙައްދުގައި ވެކްސިން ދިނުމަށް ގާއިމް ކޮށްފައިވާ 6 ސެންޓަރުން މިހާތަނަށް ޖުމްލަ 129،720 މީހުންނަށް ވެކްސިން ދީފައިވާއިރު އަތޮޅުތެރޭގެ ދެ ސެންޓަރުން މިހާތަނަށް ޖުމްލަ 104،155 މީހަކަށް ވެކްސިން ދީފައި ވެއެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.