ކޮވިޑް-19: އުނގޫފާރު މޮނިޓަރިންގެ ހާލަތުން ނަގައިފި
ގިނަ ބަޔަކު ފައްސިވުމާ ގުޅިގެން މޮނިޓަރިންއަށްލި އުނގޫފާރު މޮނިޓަރިންގެ ހާލަތުން ނަގައިފިއެވެ.
އުނގޫފާރު މޮނިޓަރިންގ ހާލަތަށް ލެވިފައި ވަނީ އެ ރަށުން މީހަކު ކޮވިޑް-19އަށް ފައްސި ވުމާ ގުޅިގެން، މާޗް މަހުގެ 19 ވަނަ ދުވަހުއެވެ. އޭގެ 15 ދުވަސް ފަހުން މިއަދު އެ ރަށް މޮނިޓަރިން ހާލަތުން ނެގިފައިވާއިރު އުނގޫފާރު ކުލަސްޓާރއާ ގުޅިގެން އަލިފުށި، ހުޅުދުއްފާރު، މާކުރަތު އަދި މަޑުއްވަރިން ވެސް ވަނީ ކޮވިޑް-19ގެ ކޭސްތައް ފެނިފައެވެ.
މޮނިޓަރިން ހާލަތުން އުނގޫފާރު ނެގީ އެ ރަށުން ނެގި ރެންޑަމް ސާމްޕަލްތައް ވެސް ވަނީ ނައްސިވުމާ އެކީގައެވެ. އަދި އުނގޫފާރުން ފެނުނު ކޭސްތަކުގެ ޑައިރެކްޓު ކޮންޓެކްޓުން 14 ދުވަސް ވަންދެން ހޯމް ކަރަންޓީނު ކުރުމަށް ފަހު ނެގުނު ސާމްޕަލްތަކުގެ ނަތީޖާ ވެސް ނައްސިއެވެ.
އުނގޫފާރު ރީޖަނަލް ހޮސްޕިޓަލުން ވަނީ އަތޮޅުގެ ސިއްޙީ ދާއިރާގައި މަސައްކަތް ކުރާ ހުރިހާ މުވައްޒަފުން ގުޅިގެން ބުރަކޮށް މަސައްކަތްކޮށްފައި ވާ ކަމަށާއި މޮނީޓަރިންގައި އޮތް ދުވަސްވަރު ރައްޔިތުންގެ ފަރާތުން ފުރިހަމަ އެއްބާރުލުން ލިބުނު ކަމަށް ފާހަގަ ކޮށްފައެވެ.
Ads by STO
