ފޮނަދޫގައި ކަރަންޓީންގައި ހުރި މީހެއްގެ ބަނޑަށް ދަރިފުޅު މަރުވެއްޖެ
ލ. ފޮނަދޫގައި ކަރަންޓީންގައި ހުރި މާބަނޑު އަންހެނެއްގެ ބަނޑަށް ދަރިފުޅު މަރުވެއްޖެއެވެ.
Ads by MWSC
"ވަގުތު" ނޫހުން ރިޕޯޓު ކޮށްފައިވާ ގޮތުގައި އެ އަންހެން މީހާގެ އާއިލާ އިން ވަނީ އެކަން ކަށަވަރުކޮށްދީފައެވެ. ނަމަވެސް އެކަމާ ގުޅިގެން އިތުރު އެއްވެސް މައުލޫމާތެއް ދިނުމަށް އާއިލާ ދެކޮޅު ހަދައިފައިވާ ކަމަށް އެ ނޫހުގައި ވެއެވެ.
އެ ނޫހުން ރިޕޯޓު ކޮށްފައިވާ ގޮތުގައި އަންހެން މީހާގެ ބަނޑަށް ދަރިފުޅު މަރުވިތާ ދުވަސްތަކެއް ވެއްޖެ ކަމަށާއި މަރުވި ދަރިފުޅު އަދިވެސް އޮތީ ބަނޑު ތެރޭގައި ކަމަށެވެ. ނަމަވެސް މާބަނޑުވި އަންހެން މީހާގެ ހާލު ރަނގަޅު ކަމަށްވެއެވެ.
މި މައްސަލާގައި ލ. ގަން ރީޖިނަލް ހޮސްޕިޓަލުގެ މެނޭޖަރު އަލީ ނަޝީދު ވިދާޅުވީ އެފަދަ ކަމެއް ހިނގައިގެން އުޅޭ ކަމުގެ މައުލޫމާތެއް ނުލިބޭ ކަމަށާއި ހޮސްޕިޓަލުގެ އިހުމާލުން އެފަދަ ކަމެއް ހިނގާފައި ނުވާނެ ކަމަށެވެ.
Ads by HDC
