Monday, 16 November 2026
Advertisement
Allied Insurance (leaderboard)
ޚަބަރު

މޫދަށް ފުންމާލި ގޮތަކުން ފަތުރުވެރިއެއްގެ ބޮލަށް އަނިޔާވެ، ވަގުތުން މަރުވެއްޖެ

މޫދަށް ފުންމާލި ގޮތަކުން ފަތުރުވެރިއެއްގެ ބޮލަށް އަނިޔާވެ، ވަގުތުން މަރުވެއްޖެ

ބ. ފުޅަދޫގެ ފާލަން މަތިން މޫދަށް ފުންމާލި ގޮތަކުން ފަތުރުވެރިއެއްގެ ބޮލަށް އަނިޔާވެ، ވަގުތުން އޭނާ މަރުވެއްޖެއެވެ.

ފުޅަދޫ ކައުންސިލު ރައީސް އަޙުމަދު އާސިފް "ދެން" އަށް މައުލޫމާތު ދެއްވަމުން ވިދާޅުވީ އެ މީހާ މަރުވީ މިއަދު ހެނދުނު ގާތްގަނޑަކަށް 6:35 ހާއިރު ކަމަށެވެ.

މަރުވެފައިވަނީ ޔޫކްރޭނަށް ނިސްބަތްވާ، އުމުރުން 62 އަހަރުގެ ފިރިހެނެއް ކަމަށް ވެސް އާސިފް ވިދާޅުވިއެވެ.

Advertisement
Allied — Dhen Online (box)

"ފާލަމުން އެ މީހާ ފުންމާލީ، އެތަން ތަންކޮޅެއް ދިޔަވަރު ތިލަ ގަޑިއަކާ ދިމާވީ. އެ މީހާ ޑައިވް ޖެހީމަ، ބޯ ބިމުގައި ޖެހިގެން އަނިޔާ ލިބިފައިވާ ކަމަށް ބެލެވެނީ. ޑޮކްޓަރުން ވެސް ވިދާޅުވީ ބޮލަށް އަނިޔާ ލިބިފައިވާ ކަމަށް" އާސިފް ވިދާޅުވިއެވެ.

މި ހާދިސާ ހިނގިތާ ގާތްގަނޑަކަށް 10 މިނެޓު ވެސް ނުވަނީސް ސިއްޙީ މަރުކަޒަށް އެ ފަތުރުވެރިޔާގެ ހަށިގަނޑު ގެންދިޔަ ކަމަށާއި ނަމަވެސް އޭރުވެސް އެ މީހާ ވަނީ މަރުވެފައި ކަމަށް އާސިފް ވިދާޅުވިއެވެ.

އެ މީހާގެ ހަށިގަނޑު މިއަދު 13:00 ހައިރު މާލެ ފޮނުވާލައިފައިވާ ކަމަށް ވެސް އާސިފް ވިދާޅުވިއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.