ފޮނަދޫން 2 މީހަކު ކޮވިޑް-19 އަށް ފައްސިވެއްޖެ

ލ.ފޮނަދޫން 2 މީހަކު ކޮވިޑް-19 އަށް ފައްސިވެއްޖެއެވެ.

Ads by Sosun Fihaara

ފޮނަދޫ ޞިއްޙީ މަރުކަޒުން ވިދާޅުވީ މާންދޫ ކްލާސްޓާއާ ގުޅިގެން ފޮނަދޫން ސާމްޕަލް ނެގުނު 22 މީހުންގެ ތެރެއިން 2 މީހަކު ފައްސިވެފައިވާ ކަމަށެވެ.

"ދެން" އަށް މަޢޫލޫމާތު ލިބިފައިވާ ގޮތުގައި ފައްސިވެފައި ވަނީ މާންދޫގައި މަސައްކަތް ކުރާ ފިރިހެނަކާއި، އިތުރު އަންހެނެކެވެ. އަދި އެ ދެމީހުން ވެސް ތިބީ މާންދޫ ކްލަސްޓާއާ ގުޅިގެން ކަރަންޓީނު ކުރެވިފައެވެ.

ފޮނަދޫއާއި ގުޅިފައި އޮންނަ މާންދުއާއި ގަމުން ބަޔަކު ފައްސިވުމާ ގުޅިގެން މިދިޔަ ހޮނިހިރު ދުވަހުން ފެށިގެން ފޮނަދު އޮތީ މޮނިޓަރިންގެ ހާލަތުގައެވެ.

މިރޭ ފޮނަދޫން 2 މީހުން ފައްސިވުމާއެކު ގަން،ފޮނަދޫން ފައްސިވި މީހުންގެ އަދަދު މިވަނީ 58 އަށް އަރައިފައެވެ.