އޭދަފުށީ ކްލަސްޓަރ: އިތުރު 9 މީހުން ފައްސިވެ ޖުމްލަ އަދަދު 137 އަށް

އޭދަފުށިން އިތުރު 9 މީހުން ފައްސިވެ އެ ރަށުން ފައްސިވި މީހުންގެ ޖުމްލަ އަދަދު 137 އަށް އަރައިފިއެވެ.

Ads by Hajj Corporation

ބ. އަތޮޅު ހޮސްޕިޓަލުން ބުނީ ބުދަ ދުވަހުގެ މެންދަމު ބާރައިން ބުރާސްފަތި ދުވަހުގެ މެންދަމު ބާރަށް އެރަށުން 9 މީހަކު ވަނީ ކޯވިޑަށް ފައްސިވެފައިވާ ކަމަށެވެ. އަދި އަލަށް ފައްސިވި ނުވަ މީހުގެ ތެރެއިން ހަތް މީހުންނަކީ ބަލި ފެނިގެން ކަރަންޓީން ކޮށްފައިވާ ގެތަކުން ފައްސިވި މީހުން ކަމަށެވެ.

ދެން ފައްސިވީ ފްލޫ ކްލިނިކަށް ރޯގާގެ އަލާމާތްތައް ހުރެގެން ދެއްކި ދެމީހުންކަމަށް ބ.އަތޮޅު ހޮސްޕިޓަލުން ނެރުނު ތަފާސް ހިސާބުތަކުން ދައްކައެވެ.

އޭދަފުށީން މިމަހުގެ 19 ވަނަ ދުވަހު ކޮވިޑްގެ ކޭސްތަކެއް ފެނުމާ ގުޅިގެން ރަށް ވަނީ މޮނިޓަރިން ހާލަތަށް ލެވިފައެވެ. ކޮންޓެކްޓު ޓްރޭސިން ހަދައި ނިމެންދެން ރަށް މޮނީޓަރިން ހާލަތުގައި ދެމިއޮންނާނެއެވެ.