ފޮނަދޫން އިތުރު ހަތް މީހަކު ފައްސިވެ، ޖުމުލަ އަދަދު 13އަށް

ލ.ފޮނަދޫ އިން އިތުރު ހަތް މީހަކު ކޮވިޑް-19އަށް ފައްސިވެ، ފައްސިވީ މީހުންގެ ޖުމުލަ އަދަދު 13އަށް އަރައިފިއެވެ.

ފޮނަދޫ ސިއްހީ މަރުކަޒުން ބުނީ، ކުރިން ފައްސިވެފައިވާ މީހުންނާ ޑައިރެކްޓް ކޮންޓެކްޓް ވީ އިތުރު 7 މީހުން ކޮވިޑަށް ފައްސިވެފައިވާ ކަމަށެވެ.

މީގެ އިތުރުން ފައްސިވީ މީހުންގެ ތެރޭގައި ސުކޫލް ދަރިވަރަކު ވެސް ހިމެނޭ ކަމަށް އެ ރަށު ސިއްހީ މަރުކަޒުން ބުނެއެވެ.

އެރަށާ އެއްފަސްކޮށް އޮންނަ ގަމުގައި ހުންނަ ކޮވިޑް ފެސިލިޓީގައި މި ވަގުތު 02 މީހަކަށް ފަރުވާ ދެމުންދާ ކަމަށް ވެސް ސިއްހީ މަރުކަޒުން ބުނެއެވެ. ގަން،ފޮނަދޫގައި ކޮވިޑްގެ ބިރުވެރިކަން އުފެދިފައި މިވަނީ ލ.މާންދޫން އުފެދުނު ކްލަސްޓަރއަކާ ގުޅިގެންނެވެ. އެ ކްލަސްޓާއާ ގުޅޭ ފައްސި ކޭސްތައް ގަން،ފޮނަދޫ އަދި އެ އަތޮޅު ދަނބިދޫގައި އެބައުޅެއެވެ.