"ލާދީނީ" ނުކިޔޭނެ ގޮތް ޤާނޫނަކުން ހަދަން ޑރ. ޝަހީދު ލަފާ ދެއްވައިފި

ޤާނޫނެއް ހަދައި ، "ލާދީނީ" ނުކިޔޭނެ ގޮތް ހަދަން ކުރީގެ ފޮރިން މިނިސްޓަރ އަދި އދ. ޚާއްސަ ރެޕަޓުއަރ ޑރ. އަހުމަދު ޝަހީދު ލަފާ ދެއްވައިފިއެވެ.
ޑރ. އަހުމަދު ޝަހީދު މިރޭ ކުރެއްވި ޓްވީޓެއްގައި ވިދާޅުވީ "ލާދީނީ"، މުރުތައްދު ފަދަ ލޭބަލް ތަކަކީ ނުރައްކާތެރި ބަސްތަކެއް ކަމަށް ބަލައިގަތުމަށެވެ.
"ތަކްފީރީ ބަސް ބޭނުން ކުރުން މަނާ ކުރާ ޤާނޫނެއް ފާސް ކުރަން މިހާރު ވެސް މާ ލަސްވެއްޖެ" ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙްއާއި، ރައްޔިތުންގެ މަޖިލީހުގެ ނައިބު ރައީސް އީވާ ޢަބްދުﷲ އާއި، ބަންޑާރަ ނައިބު އިބްރާހިމް ރިއްފަތުގެ އިތުރުން ދިފާއީ ވަޒީރު މާރިޔާ އަހުމަދު ދީދީ ޓެގް ކުރައްވާ ޑރ. ޝަހީދު ވިދާޅުވިއެވެ.
https://twitter.com/ahmedshaheed/status/1390942569769717761?s=20
ބެލެވޭ ގޮތުގައި ޑރ. ޝަހީދު މިހެން ވިދާޅުވެފައި މިވަނީ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދަށް އަމާޒުކޮށް ދީފައިވާ ހަމަލާއާ ގުޅިގެންނެވެ. އެ ގޮތުން އެމަނިކުފާނު އަވަހާރަކޮށްލަން އަމާޒު ކޮށްގެން އެއްޗެއް ގޮއްވައިލި ކަމަށާއި އެ ހަމަލާއަކީ ހަރުކަށި ފިކުރާއި ގުޅުންހުރި ހަމަލާއެއް ކަމަށް ބޮޑަށް ބެލެވޭ ކަމަށް ފުލުހުން މިއަދު ވަނީ ވިދާޅުވެފައެވެ. ރައީސް ނަޝީދުއަކީ "ލާދީނީ" ބޭފުޅެއް ކަމަށް ވަަރަށް ގިނަ ބަޔަކު ސިފަކުރެއެވެ.، ފާޅުގައާއި ސިއްރިއްޔާތުގައި ވެސް އެމަނިކުފާނާ ދިމާލަށް އެ ފަދައިން ގޮވާކަން ވެސް ފާހަގަ ކުރެވެއެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.