ހިޔާނާތުގައި ދައްކަނީ އެކައުންޓަށް ވަތް ފައިސާގެ ވާހަކަ، ނަގުދު ފައިސާގެ ވާހަކަައެއް ނުދައްކާ: ނިހާދު
މިހައިތަނަށް އެންމެން ވެސް ދައްކަނީ އެކައުންޓަށް ފައިސާ ވަތް ވާހަކަ ކަމަށާއި، ނަގުދު ފައިސާގެ ވާހަކަ ނުދައްކާ ކަމަށް ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.
ނިހާދު މިފަދައިން ވިދާޅުވެފައި ވަނީ އެމްއެމްޕީއާރސީގެ ޚިޔާނާތް ތަޙްޤީޤްކޮށް އެސެޓް ރިކަވަރީ ކޮމިޝަނުން އުފެއްދި ރިޕޯޓް، ރައްޔިތުންގެ މަޖިލީހުގެ ހިޔާނާތް ބަލައި އެކަން ދިރާސާ ކުރަމުންދާ ސަލާމަތީ ހިދުމަތްތަކުގެ ކޮމިޓީ އާއި ޖުޑިޝަރީ ކޮމިޓީ ގުޅިގެން އުފައްދާފައިވާ ޖޮއިންޓް ކޮމިޓީން އާއްމުކޮށްފައިވާ ދަނޑިވަޅެއްގައެވެ.
ނިހާދު ކުރެއްވި ޓްވީޓެއްގައި ވިދާޅުވީ ތަހުގީގީ އިދާރާތަކުން އެކައުންޓަށް ފައިސާ ވަތް ވާހަކަ ހުއްޓުމެއް ނެތި ދައްކަމުން ދާއިރު، ދޫވެއްސަށް ވަތް ފައިސާއަކީ ހަލާލު ފައިސާއެއް ނޫންކަމަށް ރައީސް ޔާމީން ވިދާޅުވެފައިވާ ކަމަށެވެ. ނިހާދު ވަނީ އެ ފައިސާއިން ރައީސް ޔާމިން ކުރެއްވީ ކީއްތޯއާއި، އޭގެން ކުރަނީ ކޮން ވިޔަފާރިއެއްތޯ ސުވާލު ކުރައްވާފައެވެ.
“ރައީސް ޔާމީން ބުނެފަ އެބައޮތް ދޫވެއްސަށް ވަތް ފައިސާ ހަލާލު ނޫން ކަމަށް. ކޮބާ އެ ނަގުދު ފައިސާ؟ ރައީސް ޔާމީން އޭގެން ކީއްނކުރީ؟ އޭގެން ކޮން ވިޔަފާރިއެއް ކުރަނީ؟ އެ މައްސަލަ ބަލަނީ ކާކު؟” ނިހާދު ވިދާޅުވިއެވެ.
އެމްއެމްޕީއާރުސީގެ ޚިޔާނާތުގެ ފައިސާ ލިބިފައިވާ 281 ފަރާތެއްގެ ނަން ހިމެނޭ ލިސްޓެއް ރައްޔިތުންގެ މަޖިލީހުގެ ޖުޑިޝަރީ ކޮމެޓީން އާންމު ކޮށްފައިވަނީ މި މަހުގެ 12 ވަނަ ދުވަހުއެވެ.
އެސެޓް ރިކަވަރީ ކޮމިޝަނުން އެކުލަވައިލައިފައިވާ ލިސްޓު އެ ކޮމިޝަނުން ވަނީ ރައްޔިތުންގެ މަޖިލީހާ ހިއްސާ ކޮށްފައެވެ. އެސެޓް ރިކަވަރީ ކޮމިޝަނުން މަޖިލީހަށް ފޮނުއްވި ލިސްޓުގައި 281 ނަމެއް އޮތް އިރު އެ ކޮމިޝަނުން ކުރިން ހާމަ ކުރި ގޮތުގައި އެ ލިސްޓުގައި އޮތީ 267 ނަމެވެ.
އާންމު ކޮށްފައިވާ މި ރިޕޯޓްގައި މިހާރުގެ ވަޒީރުންނާއި ކުރީގެ ވަޒީރުން، ރައްޔިތުންގެ މަޖިލީހުގެ މިހާރުގެ މެންބަރުން އަދި ކުރީގެ މެންބަރުން ވެސް ހިމެނެއެވެ. އަދި ބައެއް ކުންފުނިތަކާއި ކުންފުނިތަކުގެ އިސްވެރިންގެ ނަން ވެސް ހިމެނޭއިރު ސްޕްރީމް ކޯޓުގައި ފަނޑިޔާރުކަން ކުރެއްވި ބޭފުޅުން ވެސް ހިމެނެއެވެ.
ތިމާހުރީ ސަލާމަތުން ކަމުގައިވާނަމަ، ތިވާހަކަ އެންމެ ރަގަޅު. އެއްކުށެއް އަނެއްކުށާ ލާޖެއްސުމަކީ އެއްވެސް ޤާނޫނަކުން ހުއްދަ ކުރާނެ ކަމެއްނޫން. ޢަލީއާޒިމްގެ ވާހަކަ ވައްތަރީ ހުނިގުރާބު ބަލާ ދިއުމާ. މަނިކުފާނުގެ ވާހަކަ ވައްތަރީ ޒިއްމާއިން ރެކެން އުޅޭ ފިނޑި ވަގެއް ގެ ޢަމަލު ތަކާ. ކޮނަމެއަކަސް، ތިއޮތީ ޚިޔާނާތުން ފަސްބައި ކަޅިވެފައި.