ފީއަލީން އިތުރު 10 މީހުން ކޮވިޑް-19އަށް ފައްސިވެ، ޖުމުލަ އަދަދު 113އަށް

ފ.ފީއަލީން އިތުރު 10 މީހުން ކޮވިޑް-19އަށް ފައްސިވެއްޖެއެވެ.

Ads by Sosun Fihaara

ފީއަލީ ހެލްތު ސެންޓަރުން ނެރުނު ތަފާސް ހިސާބުތަކަށް ބަލާއިރު އެ ރަށުން ކޮވިޑް-19އަށް ފައްސިވީ މީހުންގެ އަދަދު މިވަނީ 113 އަށް އަރާފައެވެ. އަދި އެ 113 މީހުންގެ ތެރެއިން 19 މީހަކު މިހާރު ބަލިން ފަސޭހަ ވެފައިވާއިރު އެކްޓިވް ކޭސްތަކުގެ އަދަދަކީ 94އެވެ.

ފާއިތުވި ދެ ދުވަސް ތެރޭގައި އެ ރަށުން ވަނީ ޖުމުލަ 34 މީހުން ފައްސިވެފައެވެ. އެއީ އިއްޔެ ފައްސިވި 24 މީހުންނާއި މިއަދު  ފައްސިވި 10 މީހުންނެވެ.

އެރަށުން 964 ސާމްޕަލް ނަގައިފައިވާއިރު މިހާތަނަށް 777 ސާމްޕަލް ވަނީ ނައްސިވެފައެވެ. އަދި ނަތީޖާ ނުލިބި 84 ސާމްޕަލް އެބަހުއްޓެވެ.

އަތޮޅުތެރޭގެ ރަށްތަކުގައި ކޮވިޑް-19ގެ ކޭސްތައް މި ފަހަކަށް އައިސް އަންނަނީ އިތުރު ވަމުންނެވެ. އެގޮތުން މިހާތަނަށް 44 ރަށަކަށް އަރައި ފޭބުން މަނާ ކޮށްފައިވެއެވެ.