އީސަގެ ދިފާއުގައި ދޮށީ ދަރި: ބައްޕައަކީ ބާރަށް އެއްޗެއް ބުނާ މީހެއް ވެސް ނޫން، ކޮއްކޮއަށް އަނިޔާއެއް ނުކުރާނެ!
އުމުރުން ވީހާ ދުވަހަކު ބައްޕަ ބާރަށް އެއްޗެއް ވެސް ނުބުނާ ކަމަށާއި އެހެންކަމުން އެއްބަފާ ކޮއްކޮ ލޫތުއަށް އަނިޔާއެއް ދޭން އުޅެފާނެ ކަމަށް، ދިރި ހުރިހާ ހިނދަކު ޤަބޫލެއް ނުކުރެވޭނެ ކަމަށް ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ މެމްބަރު އަހުމަދު އީސަގެ ދޮށީ ދަރިފުޅު މުޙައްމަދު ޖިދާދު ބުނެފިއެވެ.
ފޭސްބުކްގައި ރޭ ކުރި ޕޯސްޓެއްގައި ޖިދާދު ބުނީ އުމުރުން މިވީހާ ދުވަހެއް ވީއިރު ވެސް އޭނަގެ ބައްޕަ (އީސަ) ބާރަށް އެއްޗެކޭ ވެސް ބުނީ މަދު ފަހަރެއްގައި ކަމަށާއި ދުވަހަކު ވެސް ނުރުހިފައި އައިސް ބާރަށް އަތުގައި ވެސް ނުހިފާ ކަމަށެވެ.
"އަޅުގަނޑަކީ ބޭރުގައި ތައުލީމު ހާސިލް ކުރަމުން އަންނަ ދަރިވަރެއް. މިދިޔަ 3 ވަރަކަށް އަހަރު ދިރިއުޅެމުން އައީ ރާއްޖެއިން ބޭރުގައި. ނަމަވެސް ކޮވިޑު ހާލަތާ ގުޅިގެން ރާއްޖެ އައިސް ދިިރިއުޅެމުން މިގެންދަނީ ބައްޕައާއި ލޫތު ކޮއްކޮއާއި އަސޫ ދައްތައާ އެކު އެއްގޭގަ" ކަންކަން ހިނގާ ގޮތް ކައިރިން ފެނިފައިވާކަން ހާމަ ކުރަމުން ޖިދާދު ބުންޏެވެ.
އީސައާއި އަސްރާ ދުވަސްކޮޅެއް ކުރިން ވަރިވެފައިވާކަން، އޭނަގެ ބައްޕަގެ ފަރާތުން އެނގިފައިވާ ކަމަށް ވެސް ޖިދާދު ބުންޏެވެ. ނަމަވެސް ލޫތުއަކީ ތުއްތު ކުއްޖަކަށްވާތީ، ދެ ފަރާތުގެ "އަންޑަސްޓޭންޑިންއެއްގެ ދަށުން" އެއް ގެއެއްގައި އުޅެން ނިންމީ ކަމަށް ވެސް ޖިދާދު ބުނެފައިވެއެވެ.
"ކަން ހިނގައި ދިޔަ ދުވަހު ވެސް ވަރަށް ގާތުން ހުރިހާކަމެއް ވެސް ދުށިން. ނަމަވެސް މައްސަލައަކީ ބަލަމުން އަންނަ މައްސަލައަކަށް ވާތީ އެކަން ހިނގައި ދިޔަ ގޮތް ތަފްސީލުކޮށް ދެއްކުން އެއީ އެހާ ރަނގަޅުކަމެއް ކަމުގައި ނުދެކެން. އެހެނަސް ބައްޕަގެ ބޮލުގައި އަޅުވައިފައި ވަނީ ވަރަށް ވެސް ހުތުރު އަދި ދޮގު ތުހުމަތެއްކަން ޔަޤީންކޮށް ބުނެދެން." ޖިދާދު ބުނެފައިވެއެވެ.
ކުރީގެ އަނބިކަނބަލުން އަސްރާއަށް ގެވެށި އަނިޔާކުރި ކަމަށާއި އެ ދެމީހުންގެ ދަރިފުޅަަށް ވެސް އަނިޔާކުރި ކަމަށް ބުނެ އީސަގެ މައްޗަށް ވަނީ ސީރިއަސް ތުހުމަތުތަކެއް އުފުލިފައެވެ. އެ ތުހުމަތުތަކާ ގުޅިގެން ތިން ފަހަރެއްގެ މަތިން ފުލުހުން ވަނީ ތަހުޤީގަށް އީސަ ހައްޔަރުކުރުމުގެ އަމުރެއް ހޯދައިދިނުމަށް އެދި ޕީޖީއަށް ހުށައަޅާފައިކަން ޖިދާދު ފާހަގަކުރިއެވެ.
ނަމަވެސް ކޯޓު އަމުރެއް ހޯދަން ހުށަހަޅަން ޕީޖީން ދެކޮޅު ހެދިކަން އެނގިފައިވެއެވެ. އެހެންކަމުން ހަތަރު ވަނަ ފަހަރު ޕީޖީއަށް ފުލުހުން ހުށައެޅީ ކުރީގެ ހުށައެޅުން ބަދަލުކޮށް ހެކި ނައްތާލަން އީސަ މަސައްކަތް ކުރާކަމުގެ ތުހުމަތުގައި ހައްޔަރު ކޮށްދިނުމަށް އެދިއެވެ. ނަމަވެސް އީސަ ހައްޔަރު ކުރަން އަމުރެއް ނެރެންޖެހޭ ސަބަބެއް ނެތް ކަމަށް ކްރިމިނަލް ކޯޓުން ވަނީ ނިންމައިފައެވެ.
އަންޑަސްޓޭންޑިން އެއްގ ދަށުނ ވަރިވެގެނ އެއ އެނދުގަި ނިދަނިއްޔ؟
ދެންކީއްވެބާ މަޖްލީސްތެރޭ ހަޑިހުތުރު ބަހުރުވައިން ބާރަށް ހަޅޭމިލްވަނީ¿¿¿¿
ބައްޕަ ތީއަލިފެއް