ކޮވިޑް-19: މާބަނޑު ނަރުހަކު ފައްސިވެ، ހާލުދެރަވެގެން އައިސީޔޫގައި ފަރުވާދެނީ

މާބަނޑު މީހަކު ކޮވިޑް-19 އަށް ފައްސިވެ ދަރުމަވަންތަ ހޮސްޕިޓަލުގެ އައިސީޔޫގައި ފަރުވާ ހޯދަމުން އެބަދެއެވެ.

Ads by Hajj Corporation

އެނގިފައިވާ ގޮތުގައި އައިސީޔޫގައި ފަރުވާ ދެނީ ނަރުހަކަށެވެ. އޭނާއަށް އައިސީޔޫގައި ފަރުވާ ދޭތާ މިއަދަށް މިވީ ފަސް ދުވަހެވެ.

އާއިލާއިން މައުލޫމާތު ދީފައިވާ ގޮތުގައި، އެ އަންހެން މީހާ ކޮވިޑަށް ފައްސި ވީ މީގެ ހަފްތާއެއް ކުރިންނެވެ. ހޮސްޕިޓަލަށް ގެންދިޔައީ ފައްސި ވިތާ ތިންވަނައަށް ވީ ދުވަހު، މާބޮޑަށް ހާލު ދެރަވެގެންނެވެ.

ކޮވިޑް-19އަށް ފައްސިވީ އެ ނަރުހުގެ ހާލު މިހާރު ރަނގަޅުވަމުން އަންނަކަމަށް ވެސް މައުލޫމާތު ލިބިފައި ވެއެވެ.

ރާއްޖޭގައި ކޮވިޑް ޖެހޭ މާބަނޑު މީހުންގެ އަދަދު ވެސް އަންނަނީ އިތުރުވަމުންނެވެ. ޑޮކްޓަރުން ވިދާޅުވާ ގޮތުގައި ކޮވިޑް ޖެހޭ މާބަނޑު މީހާގެ ބަނޑުގައި އޮންނަ ދަރިފުޅަށް ވެސް ބައެއްފަހަރު މި ބަލީގެ އަސަރު ކުރެއެވެ.