މީހުން ދިރިއުޅޭ ރަށްތައް މަދުކުރުމުގެ ވިސްނުމެއް ނެތް: އަސްލަމް
މީހުން ދިރި އުޅޭ ރަށްތައް މަދު ކުރުމުގެ އެއްވެސް ވިސްނުމެއް ނެތްކަމަށް ހައުސިން މިނިސްޓަރު މުހައްމަދު އަސްލަމް ވިދާޅުވެއްޖެއެވެ.
މިނިސްޓަރު މިހެން ވިދާޅުވީ، ހައުސިން މިނިސްޓްރީގެ އަހަރީ ރިޕޯޓާއި އެހެން ބައެއް ރިޕޯޓްތަކާ ބެހޭ ގޮތުން ސުވާލު ކުރަން ރައްޔިތުންގެ މަޖިލީހުގެ ގައުމީ ތަރައްގީއާއި ތަރިކައިގެ ކޮމިޓީއަށް ހާޒިރު ކުރުމުން ކޮމެޓީގެ މެމްބަރުންގެ ސުވާލުތަކަށް ޖަވާބު ދެއްވައި އެއްރަށުން އަނެއް ރަށަށް މީހުން ބަދަލު ކުރުމުގެ ސިޔާސަތުތައް ސާފު ކޮށްދެއްވުމުގެ ތެރެއިންނެވެ.
އެގޮތުން އެ ސިޔާސަތަކީ މިހާރު މާޒީވެ ގޮސްފައިވާ ކަމެއް ކަން މިނިސްޓަރު ފާހަގަ ކުރައްވައި ވިދާޅުވީ، އަމިއްލައަށް އެމީހަކު ބޭނުން ވެގެން އެއް ރަށުން އަނެއް ރަށަށް ބަދަލުވުން މާ ރަނގަޅު ކަމަށެވެ. އެގޮތުން މީހުން އެއް ރަށުން އަނެއް ރަށަށް ބަދަލުވުމުގައި ތަފާތު ބައެއް ސަބަބުތައް ފާހަގަ ކުރައްވަމުން ވިދާޅުވީ، ބައެއް ސަރަހައްދުތަތަކީ އިގްތިސޯދީ ގޮތުން ރަނގަޅު ސަަރަހައްދަކަށްވުމާއި އަނެއް ބައި ސަރަހައްދުތަކަކީ ދިރިއުޅެން ހިތް ފަސޭހަ ސަރަަހައްދު ތަކަކަށް ވުން ވެސް ހިމެނޭ ކަމަށެވެ.
ލޯކަލް ޓޫރިިޒަމާއެކު ކުރިން ދިރިއުޅެން އެންމެ ކަމުނުދާ ރަށްތައް ވެސް މީހުން ދިރިއުޅެން ކަމުދާ ރަށްރަށަށް ބަދަލު ވެގެން ގޮސްފައިވާކަން ފާހަގަ ކުރައްވައި މިނިސްޓަރު ވިދާޅުވީ ވ. އަތޮޅަކީ އެފަދަ ރަށްތަކެއް ކަމަށެވެ.
