ކޮވިޑް: އިންޑިއާގެ ފައްސި އަދަދުތައް ކޮންޓްރޯލް ނުވެ މައްޗަށް!
އިންޑިއާއިން މިއަދު ވެސް ރިކޯޑު އަދަދަކަށް ފައްސި ވޭދަނަތައް ފެނިފައިވާކަމަށް އެ ޤައުމުގެ ހެލްތު މިނިސްޓްރީގެ ހިސާބުތަކުން ދައްކައިފިއެވެ.
ފާއިތުވީ 24 ގަޑިއިރުގެ ނަތީޖާއަށް ބަލާއިރު އެ ޤައުމުން މިއަދު އިތުރު 50،848 މީހުން ވަނީ ކޮވިޑް-19އަށް ފައްސިވެފައެވެ.
އެ ޤައުމުގެ ހެލްތު މިނިސްޓްރީގެ ހިސާބުތަކުން ދައްކާ ގޮތުގައި ފާއިތުވީ 24 ގަޑިއިރު އެ ޤައުމުން 1،358 މީހުން ވަނީ މި ބަލީގައި މަރުވެފައެވެ.
އިންޑިއާ އިން ފައްސި ވީ މީހުންގެ އަދަދަށް ބަލާއިރު މިއީ އިއްޔެއަށް ވުރެ 19 އިންސައްތަ އިތުރު އަދަދެކެވެ. އެ ޤައުމުން ކޮވިޑް-19އަށް ފައްސި ވީ މީހުންގެ ޖުމްލަ އަދަދު މިހާރު ވަނީ 3،00،28،709 އަށް އަރައިފައެވެ.
ތަފާސްހިސާބުތަކުން ދައްކާ ގޮތުގައި އިންޑިއާއިން މި ބަލި ޖެހިގެން މަރުވި މީހުންގެ ޖުމްލަ އަދަދު މިހާރު ވަނީ 3،90،660 އަރައިފައެވެ.
އިންޑިއާގައި ހަލުވި ކަމާއެކު އިންޑިއާ ވޭރިއަންޓް (ޑެލްޓާ ވޭރިއަންޓް) ފެތުރިފައިވާ އިރު، އޭގެ އާ ވޭރިއަންޓެއް ވެސް ވަނީ ފެތުރެން ފަށައިފައެވެ. ކޮވިޑްގެ މި އާ ވޭރިއަންޓަށް އިންޑިއާއިން ދީފައި ވަނީ "ޑެލްޓާ ޕްލަސް"ގެ ނަމެވެ.
Ads by STO
