އަލްހާންގެ ވާހަކަތަކުން ޓެރެރިޒަމަށް ހިތްވަރު ލިބޭ: އިންތި
މީހަކު މަރަން ބޮން ގޮއްވަން ޖެހޭ އެއްވެސް ސަބަބެއް އަދި ހުއްޖަތެއް ނޯންނާނެ ކަމަށާއި އެމްޑީޕީގެ ކުރީގެ ނައިބު ރައީސް އަލްހާން ފަހްމީ ޓެރެރިޒަމްއަށް ހިތްވަރުދީ ވާހަކަފުޅު ދެއްކެވި ކަމަށް ރައްޔިތުންގެ މަޖިލީހުގެ މާފަންނު އުތުރު ދާއިރާގެ އެމްޑީޕީގެ މެމްބަރު އިމްތިޔާޒް ފަހުމީ (އިންތި) ވިދާޅުވެއްޖެއެވެ.
ސަންގު ޓީވީގެ "ޚަބަރަށް ފަހު" ޕްރޮގްރާމްގައި ވާހަކަފުޅު ދައްކަވަމުން އަލްހާން ދެއްކެވި ވާހަކަފުޅެއްގެ ސްކްރީން ރިކޯޑިންއެއް ހިއްސާ ކުރައްވާ މިއަދު އިންތި ކުރެއްވި ޓްވީޓެއްގައި ވިދާޅުވީ އަލްހާންގެ ވާހަކަފުޅަކީ ސީދާ ޓެރެރިޒަމް މަނާ ކުރުމުގެ ޤާނޫނާ ޚިލާފު ވާހަކަފުޅެއް ކަމަށެވެ.
ރޭގެ ޕްރޮގްރާމްގައި ވާހަކަފުޅު ދައްކަވަމުން އަލްހާން ވަނީ ، ރައީސް ނަޝީދަށް އަމާޒުކޮށް މެއި މަހުގެ ހަ ވަނަ ދުވަހު ދެވުނު ނިރުބަވެރި ހަމަލާއަކީ ރައީސް ނަޝީދުގެ ވާހަކަފުޅުތައް ހުންނަ ގޮތުން ދެވުނު ހަމަލާއެއް ކަަމަށް ދޭހަވާ ގޮތަށް ވާހަކަފުޅު ދައްކަވައިފައެވެ. މިގޮތުން އަލްހާން ވިދާޅުވެފައި ވަނީ، ރައީސް ނަޝީދު ހުޅަނގުގެ ގޮތްތައް ރާއްޖެއަށް ގެންނަވަން މަސައްކަތް ކުރާ ކަމަށާއި އެފަދަ ކަންތައްތައް ކުރުމުން ދީނީ ގޮތުން ބަޔަކު ޓްރިގާވާ ކަަމަށެވެ.
"ދޮން މީހުން އުޅޭ ގޮތަށް އުޅެންވާނޭ ކިޔައިގެން ރައީސް ނަޝީދު ވެސްޓާން ސޮސައިޓީގައި ނެތް ކަންތައްތަކެއް އަޅުގަނޑުމެންގެ ތެރެއަށް ގެންނަން މަސައްކަތް ކުރުން އެއީ ހައްދު ފަހަނަ އެޅުން މިތަނުގައި އުފެދުމުގެ އެއް ސަބަބު، ރައީސް ނަޝީދު އެފަދައިން ވާހަކަ ދައްކަވާ ނަމަ ދީނީ ގޮތުން ވެސް ބަޔަކު އެކަމާ ދިމާކުރާނެ. އެހެންވީމަ ރައީސް ނަޝީދު އެމީހުން ޓްރިގަރ ކުރަނީ. އެހެންވެ އަޅުގަނޑު ދަންނަވަން ޖެހުނީ ރައީސް ނަޝީދުގެ ސަބަބުންނޭ ބޮން ގޮވަން ޖެހުނީ." އަލްހާން ވިދާޅުވިއެވެ.
އަލްހާންގެ ވާހަކަފުޅުގައި ވިދާޅުވީ، ދީނަށް ފުރައްސާރަކޮށް އެއް ޖިންސުން ގުޅުން ހިންގަން ހިތްވަރުދީ، ޖިންސު ބަދަލުކުރަން ހިތްވަރުދީ ވާހަކަ ދައްކާ ނަމަ އެމީހަކު އެ ހުށަހެޅެނީ ނުރައްކަލަށް ކަމަށެވެ.
"އަޅުގަނޑަށް ކަނޑައެޅިގެން އެބަ އެނގޭ ، ދީނަށް ފުރައްސާރަކޮށް، ދީނަށް މަލާމަތްކޮށް، ނުވަތަ މި ރާއްޖޭގައި އެހެން ދީނެއް އޮންނަން ޖެހޭނެ ކަމަށް ޤަބޫލު ކުރަަން ޖެހޭނެ ކަމަށާއި އަދި މިތަނުގައި މީހުން ޖިންސުވެސް ބަދަލު ކުރަން ޖެހޭ ކަމަށް. އަޅުގަނޑު މިވާހަކަ ދައްކަން ފަށައިފިއްޔާ އަޅުގަނޑު މިތަނުން ބޭރަށް ނިކުންނައިރު ތިބޭނެކަން ގާ އުކަން."
އަލްހާން ވިދާޅުވީ ރައީސް ނަޝީދު އެ ކުރައްވަނީ އެކަންތައް ކަމަށާއި ސެކިއުރިޓީއާ އެކީ، ބަޑި ހިފައިގެން ތިބި ސިފައިން ލައިގެން އެގޮތަށް ވާހަކަފުޅު ދެއްކެވުމުން ހަމަލާ އަމާޒުވާނެ ކަމަށެވެ.
މިއީ ވަރަށް ނުރައްކާތެރި ވިސްނުމެެއް، އަލްހާން މި ފާޅުކުރަނީ.
ސަބަބަކީ ޒަމާން ފަސްވަމުން ދާވަކަށް ލާދީނީ (އަންނި ކަހަލަ) ވިސްނުން ދާނީ ގިނަވަމުން. މިކަހަލަ ވިސްނުން ހުއްޓޭނީ ގަދަކަމުން، އަނިޔާ ކޮށްގެން، ނޯތު ކޮރިޔާ ހަދާ ގޮތައް ހަދައިން. އެ ނޫން ގޮތަކަށް ނުވާނެ. މިކަހަލަ ހުރިހާ މީހުން މަރަން ވެއްޖިޔާ ރާއްޖެ އޮންނާނީ ސުންްނާފަތިވެފަ.
އެއީ 100%ބަރާބަރު ވިސްނުމެއް
އިންތީ ބުނަން ވާހަކައެއް. މީ ޑިމޮރެސީގެ ޒަމާން. ތި ބޭނުންވާ ގޮތަށް ދުލުގައި މިހާރު ތަޅެއް ނޭޅުވޭނެ. ދޫ ބަންދުކުރަން ނޫޅެ. ކަލޭ ތިއުޅެނީ ކޮން ޒަމާނަކު؟ ޖާހިލީ ޒަމާނުގަތަ؟