Tuesday, 17 November 2026
Advertisement
Ooredoo — Airfibre (leaderboard)
ޚަބަރު

އުކުޅަހުގައި ހަމަނުޖެހުން ހިނގި ކަމަށް ބުނެ ފެތުރުނީ ދޮގު ޚަބަރެއް: ކައުންސިލް

އުކުޅަހުގައި ހަމަނުޖެހުން ހިނގި ކަމަށް ބުނެ ފެތުރުނީ ދޮގު ޚަބަރެއް: ކައުންސިލް

އއ. އުކުޅަހުގައި އީދު ފާހަގަ ކުރުމަށް ބޭއްވުނު ހަރަކާތްތަކުގެ ތެރެއިން ބޭއްވުނު މަސްރޭހެއްގެ ތެރެއިން ހަމަނުޖެހުން ހިނގިކަމަށް ބުނެ ފެތުރުނު ޚަބަރުތައް އެރަށު ކައުންސިލުން ދޮގުކޮށްފިއެވެ.

"ދެން" އަށް މައުލޫމާތު ދެއްވަމުން އުކުޅަހު ކައުންސިލްގެ ރައީސް ޝައުކަތު އިބްރާހިމް ވިދާޅުވީ މަސްރޭސް ތެރޭގައި ހަމަނުޖެހުމެކޭ ބުނާ ވަރު ކަމެއް ނުހިނގާ ކަމަށާއި މަސްރޭސް ތެރެއިން ޖެހުނު މައްސަލަ މިހާރު ހައްލުވެފައިވާކަމަށެވެ.

"އަސްލު ހަމަ ނުޖެހުމެކޭ ބުނާ ވަރު ކަމެއް ނުހިނގާ. ދޯނިތައް ލެފުމުގެ ތެރޭގައި އެއް ދޯންޏަށް ސިކުންތު ކޮޅެއް ލަހުން މި ލެފުނީ. ދެން އެ ދޯނި ރޭހުން ޑިސްކޮލިފައިކޮށްލަން އުޅުމުން ކުޑަ ދެބަސްވުމެއް ހިނގީ. މައްސަލަ މިހާރު ވަނީ ހައްލުވެފަ" ޝައުކަތު ވިދާޅުވިއެވެ.

Advertisement
Ooredoo — Truecaller (box)

ޝައުކަތު ވިދާޅުވީ އުކުޅަހުގައި ބޮޑު އީދު ފާހަގަ ކުރުމުގެ ގޮތުން ކުޅިވަރުތައް ކުޅެމުންދާކަމަށާއި ކުޅިވަރުތައް ކުރިއަށް ގެންދަނީ ރައްޔިތުންނާ ގުޅިގެން ކަމަށެވެ.

ކޮވިޑް19ގެ ސަބަބުން ރާއްޖޭގައި އަޅައިފައިވާ ފިޔަވަޅުތަކަށް ލުއި ދީ ކަރަންޓީނާ ނުލައި ދަތުރު ކުރުމުގެ ލުއި ދިނުމާ އެކު މިއަހަރުގެ ބޮޑު އީދު ދަނީ ގިނަ ރަށްރަށުގައި ކުލަ ގަދަކޮށް ފާހަގަ ކުރަމުންނެވެ. އެހެންނަމަވެސް އަދިވެސް ބައެއް ރަށްރަށް މޮނިޓަރިންގެ ހާލަތުގައި ވާއިރު އެޗްޕީއޭއިން އެދެނީ އީދު ފާހަގަ ކުރުމުގައި ރައްކާތެރިކަމުގެ ފިޔަވަޅުތައް އަޅައި އެޗްޕީއޭގެ ގައިޑްލައިންތަކަށް އަމަލުކުރުމަށެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.