7 އުޑުގެ ވެރި ﷲ ގަންދީ ހުވާކޮށްފައި ބުނަން، ދުވަހަކުވެސް ބަނގުރަލެއް ނުބޮން: އަލީ ރަމީޒް
ކުރީގެ މަޝްހޫރު ލަވަކިޔުންތެރިޔާ އަލީ ރަމީޒު ކުރިން ލަވަކިޔަން އުޅުނުއިރު ބަނގުރާ ބުއިކަމަށް ބުނެ އެމްޑީޕީގެ އެކްޓިވިސްޓަކު ކުރި ތުހުމަތަކަށް ރައްދު ދީފިއެވެ.
އަލީ ރަމީޒު މިއަދު އޭނާގެ ފޭސްބުކް އެކައުންޓުގައި ލިޔުނު ޕޯސްޓެއްގައި ބުނެފައި ވަނީ ބަނގުރާ ބުއިމަކީ މާތް ﷲ ހަރާމް ކުރައްވައިފައިވާ ހުތުރުކަން ބޮޑު ފާފައަކަށް ވީ ހިނދު، ވަކި މީހަކު ނުވަތަ ވަކި ބަޔަކު އެކަން ކުރުމުން، ބަނގުރަލާއި އެ ރާ ބުއިން ވެސް މާތްވެ "ބަނގުރާ ފޮދު ހިއްޕެވި" ކަމަށް ބުނުމަކީ ވަރަށް ހުތުރުކަން ބޮޑު ކަމެއް ކަމަށެވެ.
ެއަލީ ރަމީޒުގެ އެ ޕޯސްޓަށް، އެމްޑީޕީއަށް ތާއީދު ކުރާ މީހަކު ކޮމެންޓު ކުރަމުން ބުނީ މީގެ ކުރިން އަލީ ރަމީޒް "ފްރީޒް" ބޭންޑުގައި ލަވަކިޔަން އުޅުނު އިރު "ރާ ފޮދު ހިއްޕެވި އިރު ހަލާލުތޯ؟" އެވެ. އަދި އަލީ ރަމީޒް ރާ ބުއި ވާހަކައަކީ ތޯތޯ ވާހަކައެއްތޯ ވެސް އަހައިފައި ވެއެވެ.
"7 އުޑުގެ ވެރި ﷲ ގަންދީ ހުވާ ކޮށްފައި ބުނަމެވެ. އަޅުގަނޑުގެ ޙަޔާތުގައި ފުވަހަކު ވެސް ބަނގުރަލެއް ނުބޮމެވެ. އޭގެ ތިއްކެއް ވެސް ދުލުގައި ޖައްސައި ނުލަމެވެ. އަދި މަސްތުވާ އެއްވެސް އެއްޗެއް ނުބޮމެވެ. ކަލޭ ﷲއަށް ތައުބާވާށެވެ." އެ މީހާއަށް ރައްދު ދެމުން އަލީ ރަމީޒް ބުނެފައިވެއެވެ.
އަލީ ރަމީޒު ލިޔުނު ރައްދުގައި "ކަލޭ" ޖަހައިފައި އޮތުމުން އެކަމާ އެމްޑީޕީގެ އެ މީހާ ނުރުހުން ފާޅު ކުރިއެވެ.
އަލީ ރަމީޒުއާ ބެހޭގޮތުން އެފަދަ ތުހުމަތެއް ކުރުމުން އެތައް ބައެއްގެ ފާޑުކިޔުން ވަނީ އެމްޑީޕީގެ އެ އެކްޓިވިސްޓަށް އަމާޒުވެފައެވެ.
ބަނގުރާތާ ނުނުބޮނީ ލަވަޔާ މިޔުޒިކުގައ ހައްދު ފަހަނައަޅައި ގޮސް އެއިން ހޯދި ތަނަވަސްކަމުގ ނޫންތޯ ތިޔައުޅެނީ ހަރާނ ހަމަ ޙަރާން އެއީ ޢަލީ ރަމީޒު ވިއަސް
މާތްﷲ ހަދުމަކޮށް ކުރެވުނު ކުށަށް ތައުބާވާ މީހާއީ ފާފައެއް ނުކުރާ މީހެއް ފަދައެވެ.
އަލީ ރަމީޒް އެއީ ތަފާތު މީހެއް
އެއްވެސް މީހަކު ޚަބަރަކާއިގެން އަތުވެއްޖެނަމަ، އޭގެ ދޮގު ތެދު ބަލަންވާނެ. ތި ވިދާޅުވަނީ ތަނަވަސް ކަމުގައިކަން ތިބޭފުޅާއަށް އެނގިލައްވާ ގޮތް ބަލާލަން ބޭނުން.
ޙަކުރު ތެޔޮ ވެސް ނުބޮން ދޯ؟ މޮޅެތި ވާހަކަ ދައްކާތ