ބަރަހަނާވެ މަގުމަތީގައި އުޅުނީ މީގެ ކުރިން ވެސް އެގޮތަށް އުޅުނު މީހެއް، މިހާރު ވަނީ ހޮސްޕިޓަލަށް ގެންގޮސްފައި
މިއަދު ހެނދުނު ބަރަހަނާ ހާލުގައި އުޅެނިކޮށް ހިފަހައްޓައިފައި ވަނީ މީގެ ކުރިން ވެސް ބަރަހަނާ ވެގެން އުޅެނިކޮށް ފުލުހުންގެ ބެލުމުގެ ދަށަށް ގެންދިޔަ ފިރިހެނެއްކަން ހާމަވެއްޖެއެވެ.
ފުލުހުން ވިދާޅުވީ، މިއަދު ހެނދުނު 11:00ހާއިރު ބަރަހަނާ ހާލުގައި މީހެއް އުޅޭ ކަމުގެ މައުލޫމާތު ލިބުމުން ފުލުހުން އެ ސަރަހައްދަށް ދިޔައިރު އެ މީހާ ގެއަށް ވަދެފައިވާ ކަމަށެވެ.
އެ މައްސަލައިގެ އަދާހަމަ ހިއްސާ ކުރައްވަމުން ފުލުހުން ދެންމެ ވިދާޅުވީ، އޭނާގެ ހާލަތު ދެނެގަތުމާއި، އިތުރަށް ބަލަން ޖެހޭ އެހެނިހެން ކަންކަން ބެލުމަށް ޖެންޑާ މިނިސްޓްރީގެ ބެލުމުގެ ދަށުން އޭނާ އައިޖީއެމްއެޗްއަށް ގެންގޮސްފައިވާ ކަމަށެވެ.
އެ މީހާ އެންމެ ފުރަތަމަ ފުލުހުންގެ ބެލުމުގެ ދަށަށް ގެންގޮސްފައި ވަނީ މިދިޔަ މަހުގެ ދެ ވަނަ ދުވަހުއެވެ. ފުލުހުންގެ ބެލުމުގެ ދަށަށް އެންމެ ފުރަތަމަ ގެންދިޔައީ ލޮނުޒިޔާރަތް މަގުގައި ހުންނަ ފިހާރައެއްގެ ޕޭވްމަންޓް މަތީގައި ބަރަހަނާ ހާލުގައި އޮއްވައެވެ. އެ ފަހަރު ވެސް ބަލަން ޖެހޭ ކަންކަން ބަލަމުން އަންނަ ކަމަށް ފުލުހުން ވިދާޅުވިއެވެ.
މިފަހަރުވެސް ބަލަން ޖެހޭ ކަންކަން ބަލާފަ އަންގާނެ. ކަލޭމެން މަޑުން ތިބެބަލަ.