ކަނޑުހުޅުދޫ ސިއްޙީ މަރުކަޒުގެ ތަރުޖަމާނެއް ކޮވިޑް-19އަށް ފައްސިވެއްޖެ
ގއ. ކަނޑުހުޅުދޫ ސިއްޙީ މަރުކަޒުގެ ތަރުޖަމާނެއް ކޮވިޑް-19އަށް ފައްސިވެއްޖެއެވެ.
އެ މަރުކަޒުގެ މެނޭޖަރު މުމްތާޒް، މިކަން "ދެން" އަށް ކަށަވަރު ކޮށްދެއްވަމުން ވިދާޅުވީ ފައްސިވެފައި ވަނީ އެ މަރުކަޒުގެ ތަރުޖަމާނު ކަމަށާއި އޭނާއަކީ މެދު އުމުރުފުރާގެ މީހެއް ކަމަށެވެ.
މުމްތާޒް ވިދާޅުވީ ވަކި ތަރުތީބެއް ނެތި ނެގި 6 ސުންކެއްގެ ތެރެއިން 1 ސުންކު ކޮވިޑް-19އަށް ފައްސި ވެފައިވާ ކަމަށެވެ. އެސުންކު ފައްސިކަން އެނގުނީ މިރޭ 9:00ހާއިރު ކަމަށް ވެސް މުމްތާޒް ވިދާޅުވިއެވެ.
"ފައްސިވެފައި ވަނީ މަރުކަޒުގެ ތަރުޖަމާނެއް. އޭނާއާ އެއްތާވި މީހުން ހޯދުމުގެ މަސައްކަތް ކުރަމުން މިހާރު މި ގެންދަނީ." މުމްތާޒް ވިދާޅުވިއެވެ.
ކަނޑުހުޅުދޫން ފައްސި ވޭދަނައެއް ފެނިފައިވާކަން އެޗްޕީއޭއަށް މިހާރު އަންގައިފައިވާ ކަމަށާއި ރަށް މޮނީޓަރިންއަށް އަދި ނުލާ ކަމަށް ވެސް މުމްތާޒް މައުލޫމާތު ދެއްވިއެވެ.
