ގައުމު ދޫކޮށް ދިޔަ އަފްގާނިސްތާން އަންހެނަކު ފްލައިޓް ތެރެއަށް ވިހައިިފި

ތާލިބާނުން އަފްގާނިސްތާނުގެ ވެރިކަމާ ހަވާލުވުމާ ގުޅިގެން އެ ޤައުމު ދޫކޮށް ދާން ބޭނުންވާ ފަރާތްތަކަށް އެމެރިކާ އަދި ނޭޓޯގެ ޤައުމުތަކުން ފޮނުވަމުން އަންނަ ފްލައިޓެއްގައި، އެ ޤައުމު ދޫކޮށް ދިޔަ އަފްގާނިސްތާނުގެ އަންހެނަކު ފްލައިޓްގެ ތެރެއަށް ވިހައިފިއެވެ.

ފްލައިޓް ތެރެއަށް ވިހައިފައި ވަނީ އިނގިރޭސި ވިލާތަށް ދަތުރު ކުރަމުން ދިޔަ އުމުރުން 26 އަހަރުގެ ސޯމަން ނޫރީ ނަމަކަށް ކިޔާ މީހެކެވެ. އޭނާ ވިހައިފައި ވަނީ ޓާކިޝް އެއަރލައިންގެ ފްލައިޓެއްގައި 33,000 މަތިން ކުވައިތުގެ ވައިގެ ތެރޭގައި އޮއްވައެވެ.

ނޫރީއާ ހަވާލާދީ ޓާކިޝް އެއަރލައިން އިން ނެރުނު ބަޔާނެއްގައި ބުނެފައި ވަނީ އެކުއްޖާއަށް އޭނާގެ ބަނޑަށް ދަތުވީ ވައިގެ ތެރޭގައި އޮއްވާ ކަމަށާއި ވިހޭ ވަގުތު ފްލައިޓްގައި އެއްވެސް ޑޮކްޓަރެއް ނުވަތަ ނަރުހެއް ވެސް ނެތް ކަމަށެވެ. އަދި ކައިރީގައި އެއަރޕޯޓެއް ނެތުމުން އެމަޖެންސީގައި ލޭންޑް ކުރުމުގެ ބަދަލުގައި، ފްލައިޓް ތެރޭގައި ވިއްސީ ކަމަށް ވެސް ބުނެފައިވެއެވެ. ނޫރީ ވިއްސީ އެ ވަގުތު ފްލައިޓްގައި ތިބި ކެބިން ކްރޫންނެވެ.

ނޫރީ ވިހެއުމުން ކުވައިތުގައި ފްލައިޓް ވަނީ ޖައްސައިފައެވެ. އަދި ނޫރީ، އަދި ވިހެއި ކުއްޖާގެ ހާލު ރަނގަޅުކަން ޔަގީން ކުރުމަށް ފަހު އަނެއްކާ ވެސް ދަތުރު ވަނީ ފަށައިފައެވެ. މިވަގުތު ނޫރީ އަދި އޭނާގެ އަލަތު ދަރިފުޅު ހުރީ އިނގިރޭސިވިލާތުގައެވެ. އެ ދެމީހުންގެ ހާލުވެސް ރަނގަޅެވެ.

ނޫރީ ދަތުރު ކުރަމުން ދިޔަ ފްލައިޓަކީ އިނގިރޭސިންނަށް މިދިޔަ 20 އަހަރުގެ ތެރޭގައި އެކި ގޮތް ގޮތުން އެހީތެރިވި މީހުންނެވެ. މި މީހުން ޤައުމު ދޫކޮށް ދަނީ ތާލިބާނުން އެ މީހުންނާ ދެކޮޅަށް ފިޔަވަޅު އަޅައިފާނެ ކަމުގެ ބިރަށެވެ.