"ނަމާދު ކޮށްގެން ވެސް ދިރިއުޅުމަށް ބަދަލު ނާންނަ ނަމަ ތިޔަ ކުރެވޭ ނަމާދާ މެދު ވިސްނައިލާ!"

ނަމާދު ކޮށްގެން ވެސް ދިރިއުޅުމަށް ބަދަލު ނާންނަ ނަމަ ނަމާދު ތިޔަ ކުރެވޭ ގޮތާ މެދު އަދި އެއްފަހަރު ވިސްނާލާ ށެވެ!
— Ali Zaid (@alizaid1000) July 22, 2020
އަވަސް އަރުވައިލައިގެން ކުރާ ނަމާދަކީ ފުރިހަމަ ނަމާދަކަށް ނުވެއެވެ. ނަމާދަށް ހުއްޓިހުރެ ﷲ ތަޢާލާގެ ޙަޟްރަތުގައި ދަންނަވާއިރު ، މަޑުމޮޅިވާން ޖެހެއެވެ. ދުނިޔެވީ ވިސްނުންތަކުން ދުރަށްދާން މަސައްކަތް ކުރަންޖެހެއެވެ. އަދި ނަމާދުގައި ތިމާއަށް މި ބުނެވެނީ ކީކޭތޯ އެނގުން މުހިންމެވެ. ރަސޫލާ (ޞޢވ)ގެ ޒަމާނުގައި ހިނގައިފައިވާ މި ޙާދިޘާއަށް ވިސްނައިލައްވާށެވެ.
ރަސޫލާ (ޞޢވ) މިސްކިތްކޮޅުގައި އިންނަވަނިކޮށް ޞަހާބީ ބޭކަލަކު ވަޑައިގެން ނަމާދު ކުރެއްވެވިއެވެ. ނަމާދުން ނިމިވަޑައިގެން ރަސޫލާ (ޞޢވ) އަރިހަށް ވަޑައިގެން ސަލާމް ވިދާޅުވުމުން ސަލާމަށް ޖަވާބު ދެއްވެވިއެވެ. އެއަށް ފަހު ޙަދީޘްފުޅު ކުރެއްވެވީ "ތިބާ ނަމާދުކުރާށެވެ! ތިބާ ނަމާދެއް ނުކުރެއެވެ."
3 ފަހަރު ތަކުރާރުކުރެއްވެވުމުން ރަސޫލު (ޞޢވ) ޙަދީޘްފުޅު ކުރެއްވެވީ ހަމަ އެގޮތަށެވެ. "ތިބާ ނަމާދުކުރާށެވެ! ތިބާ ނަމާދެއް ނުކުރެއެވެ."
އެ ހިނދު އެއަށްވު ރެ ފުރިހަމައަށް ނަމާދުކުރައްވަން އެނގިވަޑައި ނުގަންނަވާ ކަމަށް ވިދާޅުވެ ޞަޙާބީ އެދިވަޑައިގަތީ ނަމާދު ކުރައްވަން ދަސްކޮށް ދެއްވެވުމަށެވެ.
މި ޙާދިޘާއިން ވެސް އެނގިގެންދަނީ ނަމާދު ފުރިހަމަ ކުރުން ނުވަތަ ފުރިހަމަ ކުރުމަށް މަސައްކަތް ކުރުމުގެ މުހިންމު ކަމެވެ. ނަމާދު ، ނަމާދަކަށް ވާނީ އޭރުންނެވެ. ނަމާދުން ފެންނަ ކިޔަމަންތެރިކަން ދިރިއުޅުމުގެ އެހެން ކަންކަމުން ވެސް ފެންނާނީ ހަމައެކަނި ހަރަކާތްތަކެއް ކޮށްލުމުގެ ބަދަލުގައި ރިވެތިގޮތުގައި ނަމާދު ކޮށްގެންނެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.