އިންޑިއާގެ އެހީތެރިކަމާ އެކު ރާއްޖެއިން ބޭރަށް ދަތުރު ކުރާ އުޅަނދުތައް ޓްރެކް ކުރަނީ
ރާއްޖެއިން ބޭރަށް ދަތުރު ކުރާ އުޅަނދުތައް ޓްރެކް ކުރުމުގެ މަސައްކަތް އިންޑިއާގެ އެހީތެރިކަމާ އެކު ކުރުމަށް ޓްރާންސްޕޯޓް މިނިސްޓްރީން ނިންމައިފިއެވެ.
މިއަދު އިންޑިއާއެކު ސޮއި ކުރެވުނު އެއްބަސްވުމުގެ ދަށުން އިންޑިއާގެ "ކޯޕަރޭޝަން އިން ލޯންގް-ރޭންޖް އައިޑެންޓިފިކޭޝަން އެޑް ޓްރެކިންގް އޮފް ޝިޕްސް" ބޭނުން ކުރުމުގެ ހުއްދަ ރާއްޖެއަށް ދެވިގެންދާނެއެވެ. މިއާ އެކު ރާއްޖެއިން ބޭރަށް ދަތުރު ކުރާ އުޅަނދުތައް 24 ގަޑިއިރު ޓްރެކް ކުރެވޭނެ ކަމަށް އިންޑިއާގެ ހައި ކޮމިޝަނުން ވިދާޅުވިއެވެ.
ދުނިޔޭގެ ކަނޑުދަތުރު ފަތުރުގެ ދުވަހާ ދިމާކޮށް މިއަދު ސޮއި ކުރެވުނު މި އެއްބަސްވުމުގައި ރާއްޖޭގެ ފަރާތުން ސޮއިކޮށްފައި ވަނީ މިނިސްޓަރ އޮފް ޓްރާންސްޕޯޓް އާއިޝަތު ނަހުލާއެވެ. އަދި އިންޑިއާގެ ފަރާތުން ސޮއި ކޮށްފައިވަނީ އިންޑިއާއިން ރާއްޖެއަށް ކަނޑައަޅުއްވައިފައި ހުންނަވާ ސަފީރު، ސަންޖޭ ސްދީރެވެ.
މިއެއްބަސްވުމުގައި ސޮއި ކުރުމަށް ފަހު މިއަދު ކުރި ޓްވީޓެއްގައި އިންޑިއާގެ ހައި ކޮމިޝަނުން ވިދާޅުވީ، މިއަދު ވެވުނު އެއްބަސްވުމާ އެކު އިންޓަރނޭޝަނަލް މެރިންޓައިމް އޯގަނައިޒޭޝަންގެ މެންބަރު ޤައުމެއްގެ ހައިސިއްޔަތުން އަދާކުރަން ޖެހޭ މަސްއޫލިއްޔަތުތައް އަދާ ކުރުމަށް ފަސޭހަވާނެ ކަމަށެވެ. މިގޮތުން އިންޓަރނޭޝަނަލް މެރިންޓައިމް އޯގަނައިޒޭޝަންގެ ޤައުމުތަކުން ޓްރެކްކުރުމަށް މިފަދަ ސިސްޓަމެއް ބޭނުން ކުރުން މަޖުބޫރުކަން ފާހަގަ ކުރަމުން އެ ކޮމިޝަނުން ވިދާޅުވީ، ޓްރެކިން ސިސްޓަމާ އެކު ދަތުރުފަތުރުގެ ރައްކާތެރިކަން ލިބިގެންދާނެ ކަމަށެވެ.
ޕަޕެޓް ސަރުކާރުގެ ވެރިން ފާޚާނާ ކޮށްނިމިގެން ތާހިރުވާންވެސް އިންޑިއާގެ ހިންދޫންގެ އެހީތެރިކަން ބޭނުންވާނެ. އެމީހުން ނުކޮށްދީފިއްޔާ އުމުރު ދުވަހު ފާޚާނާގަ ތިބެންޖެހޭނީ. ކިހާބޮޑު އުނދަގުލެއް.