އުތުރުތިލަފަޅު އެގްރީމެންޓް ހޯދަން މަޖިލީހުން މިއަދު ޑިފެންސްގައި އެދޭނެ: ރައީސް ނަޝީދު
އިންޑިއާ ސަރުކާރާއި ދިވެހި ސަރުކާރާ ދެމެދު ވެފައިވާ އުތުރު ތިލަފަޅުގެ އެއްބަސްވުން ހޯދަން މިއަދު މިނިސްޓްރީ އޮފް ޑިފެންސްގައި ރައްޔިތުންގެ މަޖިލީހުން އެދޭނެ ކަމަށް މަޖިލީހުގެ ރައީސް، މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދަށް ދިން ހަމަލާއަށް ފަހު ފަސް މަސް ފަހުން މަޖިލީހަށް މިއަދު ވަޑައިގެން ރިޔާސަތުގައި އިންނަވާ ވާހަކަފުޅު ދައްކަވަމުން ރައީސް ނަޝީދު ވިދާޅުވީ، އުތުރު ތިލަފަޅުގެ އެގްރީމެންޓަކީ ސިއްރެއް ނޫން ކަމަށާއި އެއީ ދޭދޭ ދެ ދައުލަތެއްގެ ދެމެދުގައި ވެފައިވާ އެއްބަސްވުމެއް ކަމަށެވެ. އަދި މަޑުއްވަރީ ދާއިރާގެ މެންބަރު އާދަމް ޝަރީފްގެ އެދުމުގެ މަތިން އެ އެގްރީމެންޓް މަޖިލީހުން ހޯއްދަވާނެ ކަމަށް ވެސް ރައީސް ނަޝީދު ވިދާޅުވިއެވެ.
"މަޑުއްވަރީ ދާއިރާގެ އިއްޒަތްތެރި މެންބަރު އެދިވަޑައިގެންފައި އޮތީ، އުތުރު ތިލަފަޅު އެންރީމެންޓް އިނގުމަށް. އޭގަވާ އެއްޗެއް އެ ބޭފުޅާ އޮޅުން ފިލުއްވުމަށް. ސަލާމަތީ ޚިދުމަތްތަކާ ބެހޭ ކޮމިޓީން އެމަސައްކަތް ކުރިޔަށް ގެންދިޔަ. އަދި އަޅުގަނޑަށް މައުލޫމާތު ލިބިފައިވާ އޮތް ގޮތުގައި އަމީންއާންމު މިއަދު މިނިސްޓްރީ އޮފް ޑިފެންސްގައި، އެ އެގްރީމެންޓްގެ ކޮޕީއެއް މިތަނަށް ދެއްވުމަށް އެދި ދަންނަވާނެ. އަދި އިރާދަ ކުރެއްވިއްޔާ އިއްޒަތްތެރި މެންބަރަށް އެ އެގްރީމެންޓްގައިވާ ހުރިހާ އަކުރެއް އޮޅުން ފިލުވާ ދެވޭތޯ ކޮމިޓީގެ ފަރާތުން ބައްލަވާ. މަސައްކަތް ކުރައްވާ." ރައީސް ނަޝީދު ވިދާޅުވިއެވެ.
އުތުރުތިލަފަޅުގައި އަސްކަރީ ބަނދަރަކާއި ޑޮކްޔާޑެއް ތަރައްގީކުރުމަށް ދިވެހި ސަރުކާރުން އިންޑިއާއާ އެކު ހަދައިފައިވާ އެއްބަސްވުމުގައި ގައުމުގެ މިނިވަންކަމާއި އިސްތިގުލާލަށް ބުރޫއަރާގެ އެތައް ކަމެއް ހުރިކަމަށް އިދިކޮޅުން ދަނީ ބުނަމުންނެވެ. މިއެއްބަސްވުމުގެ އެއްވެސް ތަފްސީލެއް މިހާތަނަށް ސަރުކާރުން ހާމަކޮށްފައި ނުވާއިރު އެންމެ ފަހުން ވެސް ޑިފެންސް މިނިސްޓްރީން ބުނެފައި ވަނީ އެ އެއްބަސްވުން ހާމަކޮށްފި ނަމަ ގައުމީ ސަލާމަތަށް ނުރައްކާވެދާނެ ކަމަށެވެ.
އުތުރުތިލަފަޅު އެއްބަސްވުމަކީ ސިއްރު އެއްބަސްވުމެއް ނޫން ނަމަވެސް ގައުމީ ސަލާމަތަށް ނުރައްކާ ވަނީ ކީއްވެކަން ސަރުކާރުން މިހާތަނަށް ވެސް ބުނެއެއް ނުދެއެވެ.
އުތުރުތިލަފަޅު އެއްބަސްވުންކަމަށް ބެލެވޭ ލިޔުމެއް މީގެ ކުރިން ސޯޝަލް މީޑިއާގައި ލީކުވިއެވެ. އެލިޔުމުގައިވާ ގޮތުން އިންޑިއާގެ ހަތިޔާރުއެޅި ސިފައިން ރާއްޖޭގައި ތިބުމުގެ ހުއްދަ 15 އަހަރަށް ވަނީ ދީފައެވެ. އަދި އިންޑިއާއިން ބޭނުންވެއްޖެ ނަމަ އެ މުއްދަތު އިތުރު 15 އަހަރަށް ދަންމައިލެވޭނެއެވެ.
މިކަން ސަރުކާރުން ދޮގު ކުރެއެވެ. ސަރުކާރުން ބުނަނީ ހަތިޔާރުއެޅި އެހެން ގައުމެއްގެ އެއްވެސް ސިފައިންގެ މީހަކު ރާއްޖޭގައި ތިބުމުގެ ހުއްދަ ދޭ އެއްވެސް އެއްބަސްވުމެއް ދިވެހި ސަރުކާރުން ހަދައިފައި ނުވާނެކަމަށެވެ.
އުތުރު ތިލަފަޅު އެގްރިމެންޓަކީ ބޮޑު އަދިރިގަނޑެއް. ޢަބުދުﷲ ޝާހިދު ޚަރިޖީ ވަޒީރުކަމުގައި ބެހެއްޓުމަކީ ބޮޑު ޖޯކެއް.
ގައުމީ ސަލާމަތަށް ނުރައްކާ ވަނީ ކީއްވެކަން ބުނެނުދެވުން ތީއަރަތެއް.
ތިބާގެ ގޭގައި ތިބާއަށް ސިއްރުކުރަންޖެހޭކަމެއް އޮންނާނެތޯ؟
ގައުމީ ސަލާމަތަށް ނުރައްކާ ވަނީ ކީއްވެކަން ބުނެނުދެވުން ތީއަރަތެއް.
ތިބާގެ ގޭގައި ތިބާއަށް ސިއްރުކުރަންޖެހޭކަމެއް އޮންނާނެތޯ؟