ދަގަނޑޭއަކީ ޓެރެރިސްޓެއް ކަމަށް ބުނެ، އަލީ ރަމީޒަށް ހަޑި ހުތުރު ބަހުން މުއާމަލާތްކޮށްފި

ރާއްޖޭގައި މިހާތަނަށް އުފެދުނު އެންމެ ވަރުގަދަ ފުޓްބޯޅަ ކުޅުންތެރިޔާ، އަލީ އަޝްފާޤަކީ ޓެރެރިސްޓެއް ކަމަށް ބުނެ މީސްމީޑިއާގައި މީހަކު ޕޯސްޓެއްކޮށްފިއެވެ.

Ads by MWSC

މި ޕޯސްޓްކޮށްފައި ވަނީ އަލީ ސިރާޖް ނަމަކަށް ކިޔާ މީހެކެވެ. ފޭސްބުކްގައި ކޮށްފައިވާ މި ޕޯސްޓްގައި ބުނެފައި ވަނީ އަލީ އަޝްފާޤް ތުނބުޅި ދިގު ކުރުވައިފައި "ޓެރެރިސްޓަކަށް" ހެދީ އަލީ ރަމީޒު ކަމަށެވެ. އަދި ޤައުމީ ޓީމްގެ ހަލާކަކީ އޭނާ ކަމަށް ބުނެފައިވެއެވެ.

ފޭސްބުކްގައި އަލީ ރަމީޒަކީ "ހިމާރެއެއް"ކަމަށް ބުނެފައި

އަލީ ރަމީޒާއި އަލީ އަޝްފާޤަކީ ވެސް ރާއްޖޭގެ ގިނަ ބައެއްގެ ލޯބި ލިބިފައިވާ ދެ ޝަޚްސިއްޔަތެވެ.

މިގޮތަށް ޕޯސްޓް ޖަހައިފައި ވަނީ މިރޭ އިންޑިއާ އަތުން ރާއްޖެ ބަލިވެފައި ވަނިކޮށެވެ. 3-1 ގެ ނަތީޖާއަކުން އިންޑިއާ ބަލިވިއިރު، ރާއްޖެ ޖަހައިދިން ހަމައެކަނި ލަނޑު ކާމިޔާބުކޮށްދީފައި ވަނީ ދަގަނޑޭއެެވެ. އަދި ރާއްޖެ ކުޅުނު ހުރިހާ މެޗެއްގައި ވެސް ވަރަށް ފުރިހަމަ ކުޅުމެއް ދައްކައިފައިވެއެވެ.

މީގެ ކުރިން ވެސް ޤައުމީ ޓީމުގެ ބައެއް ކުޅުންތެރިންނަކީ ޖިހާދަށް ދާން ރެޑީގައި ތިބި ބައެއް ކަމަށް ބުނުމުން، ބައެއް ފަރާތްތައް ހޫނު ފެނަށް ވަނީ ވެއްޓިފައެވެ.