ދެންއޮތީ އަންނަމަހު 8ވަނަ ދުވަހު ލަންކާގައި އޮންނަ މުބާރާތަށް ތައްޔާރުވުން: މަހްލޫފް

ސާފް ޗެމްޕިއަންޝިޕްގައި ރޭ ރާއްޖެއާއި އިންޑިޔާ ބައްދަލުކުރި މެޗުން 3-1 އިން ރާއްޖެ ބަލިވުމަކީ ވަރަށް ދެރަވި ކަމެއް ކަމަށާއި <span class="css-901oao css-16my406 r-poiln3 r-bcqeeo r-qvutc0">ދެންއޮތީ އަންނަމަހު 8ގައި ލަންކާގައި އޮންނަ މުބާރާތަށް ތައްޔާރުވުން ކަމަށް ޔޫތު މިނިސްޓަރު މަހްލޫފް ވިދާޅުވެއްޖެއެވެ.</span>
މިނިސްޓަރ ކުރެއްވި ޓްވީޓެއްގައި ވިދާޅުވީ <span class="css-901oao css-16my406 r-poiln3 r-bcqeeo r-qvutc0">ޓީމުން ކުރި ބުރަ މަސައްކަތަށް އަދި ސަޕޯޓަރުންގެ ހިތްވަރަށް ޝުކުރު އަދާ ކުރައްވާ ކަމަށެވެ.</span>
<span class="css-901oao css-16my406 r-poiln3 r-bcqeeo r-qvutc0">"މޮޅުވީމަ އުފާވި ފަދައިން ބަލިވީމަ ވަރަށް ދެރަ. ޓީމުން ކުރި ބުރަ މަސައްކަތަށް އަދި ސަޕޯޓަރުންގެ ހިތްވަރަށް ޝުކުރިއްޔާ. ދެން އޮތީ އަންނަމަހު 8ގައި ލަންކާގައި އޮންނަ މުބާރާތަށް ތައްޔާރުވުން.</span><span class="css-901oao css-16my406 r-poiln3 r-bcqeeo r-qvutc0"> ބަލިވިޔަސް މޮޅުވިޔަސް ޤައުމީ ޓީމާއެކު." މަހްލޫފްގެ ޓްވީޓްގައި ވިދާޅުވިއެވެ. </span>
https://twitter.com/AhmedMahloof/status/1448369975735963652
އަންނަ މަހު 8ވަނަ ދުވަހު ސްރީލަންކާގައި ބާއްވާނީ 4 ގައުމަކުން ވާދަ ކުރާ މަހިންދަ ރާޖަޕަކްސާ ކަޕެވެ. މިމުބާރާތުގައި ވާދަކުރާނީ ސްރީލަންކާ، ރާއްޖެ، ބަނގްލަދޭޝް އަދި ސީޝެލްސްއެވެ.
މި މަހުގެ 1ވަނަ ދުވަހުން ފެށިގެން 16 ވަނަ ދުވަހަށް ކުރިޔަށްދާ ސާޕް ޗެމްޕިއަންޝިޕްގައި ރޭ ކުޅުނު މެޗަކީ މި މުބާރާތުގެ ދިހަވަނަ މެޗެވެ. އެ މެޗުގައި 3 ލަނޑު 1 ލަނޑުން ކުރި ހޯދައި މެޗް ކާމިޔާބުކުރީ އިންޑިއާގެ ޓީމެވެ. މި ނަތީޖާއާ އެކު އިންޑިއާގެ ޓީމު ވަނީ މުބާރާތުގެ ފައިނަލަށް ގޮސްފައެވެ. ފައިނަލްގައި އިންޑިޔާއާ ދެކޮޅަށް ނުކުންނާނީ ނޭޕާލެވެ. މިއީ ސާފް ޗެމްޕިއަންޝިޕްގެ ފައިނަލްގައި ނޭޕާލުން ކުޅޭ ފުރަތަމަ ފަހަރެވެ.
ސާފްޗެމްޕިއަންޝިޕްގެ ފައިނަލް މެޗް އޮންނާނީ މިމަހުގެ 16 ވަނަ ދުވަހުގެ ރޭ ރާއްޖެ ގަޑިން ރޭގަނޑު 8 ޖަހާއިރުއެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.