Tuesday, 17 November 2026
Advertisement
MWSC — SmartMeter (leaderboard)
ބޮލީވުޑް

ހަދިޔާއަކަށް ލިބުނު ކާރެއްގެ ސަބަބުން ނޯރާ ބޮޑު މައްސަލަގަނޑެއްގެ ތެރެއަށް!

ހަދިޔާއަކަށް ލިބުނު ކާރެއްގެ ސަބަބުން ނޯރާ ބޮޑު މައްސަލަގަނޑެއްގެ ތެރެއަށް!

ބޮލީވުޑްގެ މަޝްހޫރު ނެށުންތެރިޔާ އަދި އެކްޓްރެސް ނޯރާ ފަތޭހީއަށް ހަދިޔާއަކަށް ލިބުނު ކާރެއްގެ ސަބަބުން އޭނާ ބޮޑު މައްސަލަގަނޑެއްގެ ތެރެއަށް ވެއްޓިއްޖެއެވެ.

ރިޕޯޓުތަކުން ބުނާ ގޮތުގައި އެންފޯސްމަންޓް ޑައިރެކްޓަރޭޓް ، އީޑީން މިދުވަސްކޮޅު ދަނީ ސުކޭޝް ޗަންދްރަސޭކަރް ނަމަކަށް ކިޔާ މީހަކު ނޯރާއަށް ހަދިޔާއެއްގެ ގޮތުން ދިން ބީއެމްޑަބްލިޔު ކާރަކާ ގުޅިގެން ސުވާލު ކުރަމުންނެވެ.

އެއް ކްރޯޑް ރުފީސަށްވުރެ އަގުބޮޑު އެ ކާރަކީ މަކަރު ހަދައިގެން ބަޔަކު އަތުން ފައިސާ ހޯދައިގެން ސުކޭޝް ގަނެފައި ނޯރާއަށް ހަދިޔާ ކުރި ކާރެއް ކަމަށް ވެސް ރިޕޯޓުތަކުން ބުނެއެވެ.

Advertisement
Ooredoo — Truecaller (box)

މި މައްސަލައިގައި ނޯރާ އީޑީއަށް ހާޒިރުކޮށް އަށް ގަޑިއިރަށް ވުރެ ގިނައިރު ސުވާލު ކުރުމަށްފަހު އިއްޔެ ވަނީ ދޫކޮށްލައިފައެވެ. ނަމަވެސް އިތުރަށް މިކަމާ ގުޅިގެން ސުވާލު ކުރަން މި ހަފްތާ ތެރޭގައި ވެސް ނޯރާ ހާޒިރު ކުރަން ޖެހިދާނެ ކަމަށް އީޑީން ވަނީ ނޯރާއަށް އަންގައިފައެވެ.

ރިޕޯޓުތަކުން ބުނާ ގޮތުގައި ސުކޭޝް ވަނީ އެކްޓްރެސް ޖެކަލިން ފަރނަންޑެސްއަށް ވެސް މިފަދައިން ހަދިޔާތައް ދީފައެވެ.

ސުކޭޝް މިފަދައިން ކަންތައް ކުރީ އޭނާގެ އަނބިމީހާ ލީނާ މާރިއާ ޕޯލް ބޮލީވުޑަށް ނެރެން މަސައްކަތް ކުރަން ކަމަށް ވެސް ރިޕޯޓުތަކުން ބުނެފައިވެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.