އިސްލާމީ މަރުކަޒުގެ ހާލަތާ މެދު ޑރ.ޝަހީމްގެ ކަންބޮޑުވުން!
އިސްލާމީ މަރުކަޒުގެ މިހްރާބްގެ ބައެއް ތަންތައް ހަލާކުވެފައިވާ ފޮޓޯތަކެއް ހިއްސާ ކުރައްވި އެ މަރުކަޒުގެ ހާލަތާ މެދު ޑރ. މުހައްމަދު ޝަހީމް އަލީ ސައީދު ކަންބޮޑުވުން ފާޅުކުރައްވައިފިއެވެ.
ނައިބު ރައީސް ފައިސަލް ނަސީމް ޓެގު ކުރައްވައި ޑރ. ޝަހީމް މިރޭ ކުރެއްވި ޓްވީޓެއްގައި ވިދާޅުވީ ގުރުއާނާ ބެހޭ މަރުކަޒުގެ ހާލަތަކީ ވެސް މިއީކަމަށެވެ.
"އިސްލާމީ މަރުކަޒުގެ މިހްރާބްގެ ހާލަތަކީ މީތޯ؟ އަހަރުމެން މި އުޅެމުންދަނީ ކޮން ޒަމާނެއްގައި ބާއޭ ހިތަށް އަރާ. ގުރުއާން މަރުކަޒު ވެސް މިހާލުގައި. މިކަންކަން ހައްލު ކުރެވޭނެ މަގަކީ ކޮބައިތޯ؟" ޑރ. ޝަހީމްގެ ޓްވީޓްގައި ވިދާޅުވިއެވެ.
ގުރުއާނާ ބެހޭ މަރުކަޒުގެ ހާލަތު ދަށްވެ އިމާރާތް ވީރާނާވަމުންދާކަމުގެ ޝަކުވާތަކެއް ވެސް ދާދި ފަހުން ވަނީ މީޑިޔާއަށް ތިލަވެފައެވެ. އަދި އެމަރުކަޒުން ހިންގާ ކޯސްތަކުގެ ފެންވަރު ދަށްވެ ކޯސްތަކަށް ލިބޭ ތަރުހީބު ވަރަށް ބޮޑަށް ދަށަށް ގޮސްފައިވާ ކަމަށް ވެސް ވަނީ މައުލޫމާތު ލިބިފައެވެ.
މިސަރުކާރުން ދީނީ ކަންކަމަށް ސަމާލުކަން ނުދޭ ކަމަށާއި ދީނީ ކަންކަމާ ގުޅުން ހުރި ކަންކަމަށް އިހުމާލު ވަމުންދާކަމަށް އިދިކޮޅު ފަރާތްތަކުންނާއި ސަރުކާރާއި ދީނީ އިލްމުވެރިން ވެސް ދަނީ ބުނަމުންނެވެ.
މިސަރުކާރުން ތިޔަފަދަ ކަންތަކާ އަޅައެއް ނުލާނެ ކޮބައިތޯ އިލްޔާސާ އަލީޒާހިރު އަދި އިޔާޟް. މިމީސް މީހުން ބުނެޔޯ ރަސޫލާ ދުޢާ ދެއްވިފަދަ ބޭފުޅެކޭ އިބޫއަކީ ދެން ކީއްވެބާ މިފަދަ ކަންތަކާ އަޅާ ނުލަނީ . އިބޫގެ ސަރުކާރުގައި އިސްލާމް ދީނުގެ ޢިލްމްވެރިން ނަށާ އިސްލާމް ދީނަށާ ރަސޫލާއަށް ފުރައް ސާރަ ކުރުމަކީ އާއްމު ކަމަކަށް ހަދާފަވާ އިރުވެސް ސަރުކާރުންް އެކަމަކާ އަޅައެއް ނުލާ
މީތޯ އެބުނާ ދުޢާދެއްވިފަދަ ބޭފުޅެއްގެ ކަން ތައް ހުންނަންޖެހޭ ގޮތަކީ.ތުރުކީގަ މުސްތަފާ ކަަމާލް ބާޝާގެ ވެރިކަމުގަ އިސްލާމް ދީނާމެދު ކަންތައް ކުރިގޮތް ފެންނަމުން މިދަނީ މިހާރު މި ރާއްޖެއިން .