ކެޓްރީނާއާއި ވިކީ ހަނީމޫނަށް އަންނަނީ ރާއްޖެއަށް
މިދުވަސްކޮޅު އެންމެ ގިނަ ބަޔަކު އިންތިޒާރު ކުރަމުން އަންނަ ބޮލީވުޑްގެ ކައިވެންޏަކީ ކުޅަދާނަ އެކްޓްރެސް ކެޓްރީނާ ކެއިފްއާއި އެކްޓަރ ވިކީ ކޯޝަލްގެ ކައިވެންޏެވެ.
ކެޓްރީނާއާއި ވިކީގެ ކައިވެނީގެ ހަފްލާތައް މިއަދު ރާޖިސްތާނުގެ ސިކްސް ސެންސަސް ހޮޓަލުގައި ވަނީ ފެށިފައެވެ. ރިޕޯޓުތަކުން ބުނާ ގޮތުގައި މި ދެތަރިން ކައިވެނި ކުރަން ހަމަޖެހިފައި ވަނީ މި މަހުގެ 9ވަނަ ދުވަހުގައެވެ.
ކައިވެނީގެ ހަފްލާތައް މި މަހުގެ 12އާ ހަމައަށް ކުރިއަށް ގެންދަން ނިންމައިފައިވެއެވެ.
ކައިވެންޏަށް ފަހު އެނބުރި މުމްބާއިއަށް ދިޔުމަށް ފަހު، ކެޓްރީނާއާއި ވިކީގެ ކައިވެނީގެ ރިސެޕްޝަނެއް ތާޖް ލޭންޑްސް އެންޑްގައި، އިންްޑަސްޓްރީގެ ރައްޓެހިންނަށް ބޭއްވުމަށް ވެސް ހަމަޖެހިފައިވެއެވެ.
ރިޕޯޓުތަކުން ބުނާ ގޮތުގައި ކެޓްރީނާއާއި ވިކީ ހަނީމޫނަށް ރާއްޖެއަށް އައުމަށް ހަމަޖެހިފައި ވަނީ އެ ރިސެޕްޝަނަށް ފަހުއެވެ. ނަމަވެސް އެމީހުން ދަނީ ކޮން ރިސޯޓަކަށް ކަމެއް އަދި ހާމަކޮށްފައެއް ނުވެއެވެ.
ކުރު ހަނީމޫނަކަށް ފަހު މި ދެތަރިން ވެސް އަނބުރާ މަސައްކަތަށް ނިކުންނާނެ ކަމަށް ވެސް ރިޕޯޓުތަކުން ބުނެއެވެ. އެގޮތުން ސަލްމާން ޚާނާ އެކު ކެޓްރީނާ ކުޅޭ "ޓައިގާ 3"ގެ މަސައްކަތް ނިންމައިލުމާއި އިތުރު ދެ ޕްރޮޖެކްޓެއްގެ މަސައްކަތް ވެސް އޭނާ ފަށާނެ ކަމަށް ބެލެވެއެވެ.
ވިކީ ކޯޝަލް ދެން އެންމެ އަވަހަށް ފެންނާނީ މޭގްނާ ގުލްޒާރްގެ "ސޭމް ބަހާދޫރް" އިންނެވެ.
