11.9 މިލިއަން ރުފިޔާ ޚަރަދު ކޮށްގެން ފުވައްމުލަކުގައި އައު މިސްކިތެއް އިމާރާތް ކުރަނީ
ފުވައްމުލައް ސިޓީގެ ދޫޑިގަމު އަވަށުގައި އަލަށް އިމާރާތްކުރުމަށް ހަމަޖެހިފައިވާ މިސްކިތުގެ އަމަލީ މަސައްކަތް، ނައިބު ރައީސް ފައިސަލް ނަސީމް މިއަދު ފައްޓަވައިދެއްވައިފިއެވެ.
ދައުލަތުގެ ބަޖެޓުން 11.9 މިލިއަން ރުފިޔާ ޚަރަދުކޮށްގެން އިމާރާތްކުރާ މި މިސްކިތަކީ 500 މީހުންގެ ޖާގައިގެ މިސްކިތެކެވެ.
މި މިސްކިތް އިމާރާތް ކުރުމުގެ އެއްބަސްވުމުގައި މިނިސްޓްރީ އޮފް އިސްލާމިކް އެފެއާޒްގެ ފަރާތުން އަމޭން މޯލްޑިވްސް ޕްރައިވެޓް ލިމިޓެޑާއެކު ސޮއިކޮށްފައި ވަނީ 17 ނޮވެމްބަރ 2021ވަނަ ދުވަހުއެވެ.
ޒަމާނީ ޑިޒައިނަކަށް ޢިމާރާތްކުރާ މި މިސްކިތް ނިންމުމަށް ހަމަޖެހިފައި ވަނީ އެއް އަހަރު ދުވަސްތެރޭގައެވެ. މިސްކިތުގެ ޢަމަލީ މަސައްކަތަށް ފެށުމަށް މިއަދު ބޭއްވި ރަސްމިއްޔާތުގައި ނައިބު ރައީސްގެ އިތުރުން މިނިސްޓަރ އޮފް އިސްލާމިކް އެފެއާޒް ޑރ.އަޙްމަދު ޒާހިރު ޢަލީ ބައިވެރިވެވަޑައިގެންނެވިއެވެ.
Ads by STO
