Tuesday, 17 November 2026
Advertisement
MWSC — SmartMeter (leaderboard)
ބޮލީވުޑް

އިމްތިހާން ކަރުދާހެއްގައި ކަރީނާގެ ދަރިފުޅުގެ ނަން އަހައިފި!

އިމްތިހާން ކަރުދާހެއްގައި ކަރީނާގެ ދަރިފުޅުގެ ނަން އަހައިފި!

ބޮލީވުޑްގެ މަޝްހޫރު އެކްޓަރުން ކަމުގައިވާ ކަރީނާ ކަޕޫރް ޚާންއާ ސައިފް އަލީ ޚާންގެ ދަރިފުޅުގެ ނަމަކީ ކޮބައިތޯ، އިންޑިއާގެ ސްކޫލެއްގެ އިމްތިހާނު ކަރުދާހުގައި ސުވާލުކޮށްފައި އޮތުމުން، ގިނަ އަދަދެއްގެ ބެލެނިވެރިން ނުރުހުން ފާޅު ކޮށްފިއެވެ.

މަދްޔަ ޕްރަދޭޝްގެ ޚާންދްވާ ޑިސްޓްރިކްޓްގައި ހުންނަ އެކެޑެމިކް ހައިޓްސް ޕަބްލިކް ސްކޫލުން، މިދިޔަ ބުދަ ދުވަހު ބޭއްވި އިމްތިހާނެއްގައި އެ ސްކޫލުގެ ގްރޭޑް 6ގެ ދަރިވަރުން ތަކަކަށް ދިން ސުވާލު ކަރުދާހެއްގައި އަހައިފައި ވަނީ ކަރީނާއާއި ސައިފްގެ ދަރިފުޅަށް ކިޔަނީ ކޮން ނަމެއްތޯއެވެ.

ތާރީޚާ ބެހޭ ގޮތުން ނެގުނު އިމްތިހާނެއްގައި އެފަދަ ސުވާލެއް ކޮށްފައި އޮތުމުން ބެލެނިވެރިންނާއި އެ ސްކޫލުގެ ޕޭރެންޓް ބޯޑުން ވަނީ ވަރަށް ބޮޑަށް ނުރުހުން ފާޅުކޮށް، އެކަމާ މެދު ހަރުކަށި ފިޔަވަޅު އެޅުމަށް ގޮވައިލައިފައެވެ.

Advertisement
Allied — Dhen Online (box)

އެކަމާ ގުޅިގެން ޚާންދްވާ ޑިސްޓްރިކްޓް އޮފިސަރ (ޑީއީއޯ) ސަންޖީވް ބަލެރާއޯ ބުނީ، މިކަން އެ އިދާރާގެ ސަމާލުކަމަށް މިދިޔަ ބުރާސްފަތި ދުވަހު އައިސްފައިވާ ކަމަށާއި އެކަމާ ގުޅިގެން އެ ސްކޫލަށް މިހާރު އެންގުމެއް ފޮނުވާފައިވާނެ ކަމަށެވެ. ސްކޫލާ މެދު ފިޔަވަޅު އަޅަން އެނގޭނީ އެ އެންގުމަށް ސްކޫލުން ޖަވާބުދާރީވާ ގޮތަކަށް ބަލާފައި ކަމަށް ވެސް ސަންޖީވް ބުންޏެވެ.

އެ ސްކޫލްގެ ޕޭރެންޓް ބޮޑީގައި އެންމެ އިސްކޮށް ހަރަކާތްތެރިވާ އަނީޝް އަރްޖާރޭ ބުނީ ކަރީނާއާއި ސައިފްގެ ދޮށީ ދަރިފުޅަށް ކިޔަނީ ތައިމޫރް ކަން އެންމެންނަށް ވެސް އެނގޭ ކަމަށާއި "ތައިމޫރް" އެ ނަމަކީ އިންޑިއާގައި ކުރިން އުޅުނު ވަރަށް ނުފޫޒު ގަދަ ހަނގުރާމަވެރިއަކަށް ކިޔުނު ނަމެއްކަން ވެސް އެނގޭނެ ކަމަށެވެ. ނަމަވެސް މިފަދައިން އިމްތިހާނު ކަރުދާހެއްގައި އެ ސުވާލު ކުރުމަކީ ބަލައިގަނެވޭނެ ކަމެއް ނޫން ކަމަށާއި އެއްވެސް ބައެއްގެ ދަރިންނާ އެގޮތަށް ބެހި، މައިންބަފައިންގެ ޝުއޫރުތަކަށް ވިސްނައިނުލުމަކީ ދަށު ދަރަޖައިގެ ކަމެއް ކަމަށް ވެސް އަނީޝް ބުންޏެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.